07 May, 2019 06:41 PM IST | મુંબઈ
ફરી એકવાર થશે ઋતિક અને કંગનાનો આમનો-સામનો, જાણો કેવી રીતે
બોલીવુડની કોન્ટ્રોવર્સી ક્વીન કંગના રનૌત અને ઋતિક રોશન ફરી એકવાર સામસામે આવી શકે છે, પરંતુ મોટા પડદા પર. રાજકુમાર રાવ અને કંગના રણૌતની ફિલ્મ મેંટલ હૈ ક્યા? પહેલા 21 જૂને રિલીઝ થવાની હતી પરંતુ હવે ફિલ્મની રિલીઝ ડેટ બદલાઈ ગઈ છે. આ ફિલ્મ હવે 26 જૂલાઈએ રિલીઝ થશે. પરંતુ મહત્વની વાત એ છે કે આ દિવસે ઋતિક રોશનની ફિલ્મ સુપર 30 પણ રિલીઝ થવા જઈ રહી છે. આ હિસાબે બંને એકબીજા સાથે ટકરાશે.
આ પહેલા સુપર 30 પ્રજાસતાક દિવસ પર રિલીઝ થવાની હતી. પરંતુ આ દિવસે કંગનાની મણિકર્ણિકાની રિલીઝ ડેટ નક્કી કરવામાં આવી, જેના કારણે ફિલ્મની રિલીઝ ડેટ આગળ વધારવામાં આવી. પરંતુ હવે ફરી એકવાર ઋતિકની ફિલ્મ પડદા પર કંગનાની ફિલ્મ પર ટકરાવા માટે તૈયાર છે.