22 March, 2020 01:17 PM IST | Mumbai | Gujarati Mid-day Online Correspondent
કનિકા કપુર
41 વર્ષીય બૉલિવુડ સિંગર કનિકા કપુર 15 માર્ચે લંડનથી આવ્યા બાદ તેને કોરોનાનો ટેસ્ટ પોઝેટિવ આવ્યો છે અને તેની સારવાર લખનઉની એસજીપીજીઆઈ હૉસ્પિટલમાં ચાલી રહી છે. હૉસ્પિટલમાં કનિકા બહુ નખરા કરી રહી હોવાથી હૉસ્પિટલના ડૉક્ટરો અને સ્ટાફ કંટાળી ગયા છે. કનિકા સતત ફાઈવ સ્ટાર જેવી સુવિધા માંગી રહી છે. જોકે હૉસ્પિટલનું કહેવું છે કે કનિકાને પહેલેથી જ વધૂ સારી સુવિધા આપવામાં આવી રહી છે.
એસજીપીજીઆઈ હૉસ્પિટલના ડાયરેક્ટર ડૉક્ટર આર.કે.ધિમાને કહ્યું હતું કે, કનિકા કપુરને અન્ય દર્દીઓ કરતા સારી સુવિધા આપવામાં આવી રહી હોવા છતા તે નખરા કરી રહી છે. તે કદાચ એ વાત ભુલી ગઈ છે કે તે એક સ્ટાર તરીકે નહીં પણ સામાન્ય દર્દી તરીકે હૉસ્પિટલમાં આવી છે. આટલી સારી સુવિધા આપવામાં આવી રહી હોવા છતા તે અલગથી ભોજનની માંગ કરી રહી છે.
કહેવાય છે કે, કનિકાએ હૉસ્પિટલનો વિરોધ કરવાની ધમકી પણ આપી છે. જો તેને સુવિધા આપવામાં નહીં આવે તો તે હૉસ્પિટલના સ્ટાફનો વિરોધ કરશે. આ તો જાણે 'ઉલટા ચોર કોતવાલ કો ડાંટે' જેવી પરિસ્થિતિ છે.