23 December, 2011 06:53 AM IST |
કહેવામાં આવી રહ્યું છે કે યશરાજ ફિલ્મ્સ ‘ધૂમ ૩’ને એની સૌથી મોટી ફિલ્મ બનાવવા માગે છે અને એ કારણે જ એના પૂરતા પ્રયાસો હતા કે હૉલીવુડનો કોઈ જાણીતો ચહેરો આમિર ખાન સાથે કામ કરે. તેઓ ઘણો વિશ્વાસ ધરાવતા હતા કે આમિર સાથે કામ કરવા માટે કોઈ જાણીતી હૉલીવુડની અભિનેત્રી હા પાડી જ દેશે અને હીથર તેમની પહેલી ચૉઇસ હતી. આ કારણે જ યશરાજ સાથે સંકળાયેલા લોકોએ હીથરના મૅનેજર સાથે મુલાકાત પણ કરી હતી. જોકે અમુક કારણસર તેમની વચ્ચે ફિલ્મમાં કમિટમેન્ટ સુધી વાત પહોંચી શકી નહોતી.
જોકે થોડા દિવસ પહેલાં ગોવામાં યોજાયેલા ફિલ્મ-ફેસ્ટિવલમાં હીથર મુલાકાત માટે આવી હતી અને ત્યાં તેણે શાહરુખ સાથે ઘણી વાતચીત કરી હતી. કિંગ ખાને પણ તેની સાથે કામ કરવાની ઘણી ઇચ્છા દર્શાવી હતી. હીથરે એક ઇન્ટરવ્યુ દરમ્યાન કહ્યું હતું કે ‘મેં શાહરુખ ખાન વિશે ઘણું સાંભળ્યું હતું, પણ એ ખબર નહોતી કે તે કેટલો પૉપ્યુલર છે. અમે ઘણી વાતો કરી અને હું તેની સાથે કામ કરવા ઘણી ઉત્સુક છું અને ઇચ્છું કે કોઈ રીતે અમારો સાથે કામ કરવાનો મેળ પડે.’
જોકે આનો મતલબ એ સમજવો કે આમિર કરતાં તેણે શાહરુખને વધુ મહત્વ આપ્યું એ પણ ખોટું ગણાય એવું ઘણા લોકો માની રહ્યા છે. કહેવામાં આવે છે કે આમિર સાથેની ફિલ્મ માટે તેની તારીખો અને પેમેન્ટના મુદ્દે થોડા મતભેદ રહેતાં તેણે કામ કરવાની ના પાડી હતી.