ગુરુ દત્તની પ્યાસાનું 4Kમાં રીસ્ટોરેશન, યોજાયું વિશેષ પ્રીમિયર

ગુરુ દત્તના સિનેમૅટિક માસ્ટરપીસ ‘પ્યાસા’ને 4Kમાં રીસ્ટોર કરવામાં આવી છે.

પ્રીમિયર

ભારત સરકારના માહિતી અને પ્રસારણ મંત્રાલયની પહેલ નૅશનલ ફિલ્મ હેરિટેજ મિશન હેઠળ નૅશનલ ફિલ્મ ડેવલપમેન્ટ કૉર્પોરેશન-નૅશનલ ફિલ્મ આર્કાઇવ્સ ઑફ ઇન્ડિયા દ્વારા ગુરુ દત્તના સિનેમૅટિક માસ્ટરપીસ ‘પ્યાસા’ને 4Kમાં રીસ્ટોર કરવામાં આવી છે. આ પ્રસંગે એક વિશેષ પ્રીમિયર યોજાયું. આ પ્રીમિયર પહેલાં ગીતકાર જાવેદ અખ્તર, ફિલ્મમેકરો હંસલ મહેતા, આર. બાલ્કી, સુધીર મિશ્રા અને વરિષ્ઠ પત્રકાર તથા ફિલ્મ-વિવેચક ભાવના સોમૈયા સાથે આકર્ષક પૅનલ-ચર્ચા યોજાઈ. પૅનલે ગુરુ દત્તના ભારતીય સિનેમા પરના અજોડ પ્રભાવ વિશે ઊંડી ચર્ચા કરી.
ગુરુ દત્તની કૃતિઓ આ સપ્તાહના અંતે PVR INOX અને Cinepolis થિયેટર્સમાં પ્રદર્શિત થઈ રહી છે જેમાં ‘પ્યાસા’, ‘કાગઝ કે ફૂલ’, ‘સાહિબ બીબી ઔર ગુલામ’, ‘આર-પાર’, ‘ચૌદહવીં કા ચાંદ’, ‘મિસ્ટર ઍન્ડ મિસિસ 55’ અને ‘બાઝ’નો સમાવેશ થાય છે.