તારે જમીન પરનો નાનકડો ઈશાન છે ગુજરાતી, હવે દેખાઈ છે આવો સ્માર્ટ અને હેન્ડસમ, જુઓ તસવીર

તારે જમીન પર ફિલ્મમાં ઈશાનનો રોલ કરનાર ગુજરાતી દર્શીલ સફારી બ્લેક ચશ્મા અને સફેદ ટી- શર્ટમાં હવે આટલો સ્માર્ટ અને હેન્ડસમ દેખાઈ રહ્યો છે.

તારે જમીન પર ફિલ્મમાં ઈશાનનું પાત્ર ભજવનાર દર્શીલ સફારી

આમિર ખાન (Aamir khan)ની લોકપ્રિય ફિલ્મ `તારે જમીન પર` તમને યાદ જ હશે. આ ફિલ્મમાં ઈશાનના રોલમાં દર્શીલ સફર (Darsheel safary)જોવા મળ્યો હતો. 2007માં આવેલી આ ફિલ્મમાં ઈશાનનું પાત્ર ભજવનાર દર્શીલે પોતાના અભિનયથી ખુબ જ વાહવાહી મેળવી હતી. ફિલ્મને રિલીઝ થયાને આજે 14 વર્ષ પૂર્ણ થયા છે અને હવે દર્શીલ મોટો થઈ ગયો છે. 24 વર્ષનો દર્શીલ હવે પહેલા કરતાં ખુબ જ સ્માર્ટ અને હેન્ડસમ દેખાઈ છે. 

તમે જાણો છે કે દર્શીલ ગુજરાતી છે! તાજેતરમાં આ ગુજ્જુ બોય દર્શીલની એક તસવીર સોશિયલ મીડિયામાં ખુબ જ વાયરલ થઈ રહી છે. જે તસવીર જોયા બાદ લોકોને વિશ્વાસ નથી આવતો કે તે ખરેખર ઈશાન છે, જેને તારે જમીન પર ફિલ્મમાં લેખન-વાંચનની સમસ્યા હતી. 

દર્શીલ સફારીએ નાની ઉંમરમાં નેશનલ એવોર્ડ જીતીને સૌને ચોંકાવી દીધા હતા. દર્શીલનો જે ફોટો વાયરલ થઈ રહ્યો છે તેમાં તેને બ્લેક કલરના ચશ્મા અને સફેદ ટી-શર્ટમાં જોઈ શકાય છે. આ તસવીર જોયા બાદ લોકો તેને ઓળખી શકતા નથી. જોકે, કેટલાક એવા પણ છે જેમણે દર્શિલને ઓળખી લીધા છે. આ સમયે આ તસવીર સોશિયલ મીડિયા પર ખૂબ જ વાયરલ થઈ રહી છે, જેના પર લોકો પોતપોતાની પ્રતિક્રિયા આપી રહ્યા છે.

દર્શીલના ફોટો પર કોમેન્ટ કરતાં એક યુઝરે લખ્યું છે કે, `તમને જોઈને હજુ પણ લાગે છે કે તમે એટલા જ જીનિયસ છો જેટલા તારે જમીન પર ફિલ્મમાં હતા`. તો બીજાએ લખ્યું કે, `તને જોઈને હું ઓળખી ન શક્યો`. જ્યારે અન્ય  એકે તેને પ્રોફેસર ઓફ મની હેઇસ્ટ અને નિક જોનાસનું કોમ્બિનેશન ગણાવ્યું છે.