આજથી કન્નપ્પાનું અને આવતી કાલથી ઇન્સ્પેક્ટર ઝેન્ડે, આંખોં કી ગુસ્તાખિયાં, માલિકનું OTT પર આગમન

માલિક ફિલ્મની વાર્તા ખેડૂત પરિવારનો એક સરળ છોકરો અલાહાબાદનો ગૅન્ગસ્ટર કઈ રીતે બને છે એનો ઘટનાક્રમ દર્શાવવામાં આવ્યો છે

ફિલ્મ પોસ્ટર

કન્નપ્પા - અક્ષય કુમારને ભગવાન શંકર તરીકે દર્શાવતી ફિલ્મ મૂળ તેલુગુમાં છે પણ એ હિન્દી, તામિલ, મલયાલમ અને કન્નડ ભાષાઓમાં પણ જોઈ શકાશે. ભગવાન શિવના એક મહાન ભક્તની વાર્તા કહેતી આ ફિલ્મ ઍમૅઝૉન પ્રાઇમ વિડિયો પર ૪ સપ્ટેમ્બરે સ્ટ્રીમ થશે.

ઇન્સ્પેક્ટર ઝેન્ડે - આ રોમાંચક ક્રાઇમ થ્રિલર મૂવીમાં મનોજ બાજપાઈ ઇન્સ્પેક્ટર મધુકર ઝેન્ડેની ભૂમિકામાં જોવા મળશે, જ્યારે જિમ સર્ભ ચાલાક અને કુખ્યાત સ્વિમસૂટ કિલર કાર્લ ભોજરાજની ભૂમિકા ભજવી રહ્યો છે. આ ફિલ્મ નેટફ્લિક્સ પર પાંચ સપ્ટેમ્બરે સ્ટ્રીમ થશે.

આંખોં કી ગુસ્તાખિયાં - શનાયા કપૂર અને વિક્રાન્ત મેસીને દૃષ્ટિહીન પાત્રો તરીકે દર્શાવતી આ રોમૅન્ટિક ડ્રામા ફિલ્મ લેખક રસ્કિન બૉન્ડની ટૂંકી વાર્તા ‘ધી આઇઝ હૅવ ઇટ’ પરથી પ્રેરિત છે. ફિલ્મ ZEE5 પર પાંચ સપ્ટેમ્બરે સ્ટ્રીમ થશે. 

માલિક - આ રોમાંચક ક્રાઇમ ડ્રામામાં આ ફિલ્મની વાર્તા ખેડૂત પરિવારનો એક સરળ છોકરો અલાહાબાદનો ગૅન્ગસ્ટર કઈ રીતે બને છે એનો ઘટનાક્રમ દર્શાવવામાં આવ્યો છે. આ ફિલ્મ ઍમૅઝૉન પ્રાઇમ વિડિયો પર પાંચ સપ્ટેમ્બરે સ્ટ્રીમ થશે.