24 December, 2018 07:00 PM IST |
ફરહાન અખ્તર અને શિબાની દાંડેકર
ફરહાન અખ્તર અને શિબાની દાંડેકર જલદી જ લગ્ન કરવાનાં છે એવી શક્યતા વર્તાઈ રહી છે. બૉલીવુડમાં આમ પણ લગ્નની સીઝન ચાલી રહી છે. એવામાં આ બન્ને પણ વિવાહના બંધનમાં બંધાઈ જાય તો નવાઈ નહીં. ફરહાન અને શિબાની અવારનવાર એકસાથે જોવા મળે છે. થોડા દિવસો અગાઉ પણ આ બન્ને ડિનર-ડેટ પર સાથે જોવા મળ્યાં હતાં. રણવીર સિંહ અને દીપિકા પાદુકોણના રિસેપ્શનમાં પણ આ બન્ને હાથમાં હાથ નાખીને ફરતાં દેખાયાં હતાં. એથી એક વાત તો કન્ફર્મ થઈ જ જાય છે કે હવે એ દિવસો પણ દૂર નથી જ્યારે ફરહાન અને શિબાની પણ લગ્ન કરી લે. ફરહાને ઇન્સ્ટાગ્રામ પર બન્નેનો ફોટો શૅર કર્યો હતો. ફોટોમાં બન્નેના ચહેરા પરની ખુશી સ્પષ્ટ દેખાઈ રહી છે.