05 April, 2012 05:59 AM IST |
એકતાની તુષાર કપૂર, રિતેશ દેશમુખ, નેહા શર્મા અને સારા જેન ડાયસને ચમકાવતી ‘ક્યા સુપર કૂલ હૈં હમ’માં કરણની ‘કભી ખુશી કભી ગમ’ના સીનની જરૂર હતી. હેલિકૉપ્ટરમાંથી ઊતરતા શાહરુખ ખાનની જે રીતે એન્ટ્રી બતાવવામાં આવે છે એ સીનનો એકતાની ફિલ્મના પ્રોમોમાં ઉપયોગ કરવાની તેની ઇચ્છા હતી. આ કારણે જ તેણે કરણને વાત કરી હતી અને કરણે તરત એ માટે સહમતી દર્શાવી હતી.
આ ફિલ્મ જૂની ફિલ્મો અને કલાકારોની સ્ટાઇલ પર મજાકની એક કૉમેડી ફિલ્મ છે. આ કારણે જ ફિલ્મ સાથે સંકળાયેલા લોકોની એવી પણ ઇચ્છા હતી કે એવી પણ કોઈ ફિલ્મના સીનનો ઉપયોગ કરવામાં આવે જેમાં સ્ટ્રૉન્ગ ફૅમિલી ઇમોશન્સ હોય અને ‘કભી ખુશી કભી ગમ’ તેમની પસંદગી હતી.