11 November, 2023 05:12 PM IST | Mumbai | Gujarati Mid-day Online Correspondent
તસવીર સૌજન્ય: શાહરૂખ ખાનનું ઇન્સ્ટાગ્રામ એકાઉન્ટ
`ડંકી` (Dunki Posters) પ્રેમ અને મિત્રતાની વાર્તા કહે છે. આ ફિલ્મ એવા મિત્રોની હૃદયસ્પર્શી વાર્તા છે, જેઓ એક સ્વપ્ન સાકાર કરવા માટે તેમના ઘરથી દૂર જઈને પોતાનું જીવન બદલવાનો પ્રયાસ કરે છે. મિત્રો અને પરિવાર સાથે હોવાના અહેસાસની ઉજવણી કરતાં `ડંકી` (Dunki Posters)ના નિર્માતાઓએ આજે ઉત્સવની ભાવના અને દિવાળી પર ફેન્સને એક ગિફ્ટ આપી છે. ફિલ્મના નિર્માતાઓએ ફિલ્મના વધુ બે પોસ્ટર લૉન્ચ કર્યા છે.
પ્રેમ, હાસ્ય અને મિત્રતાથી ભરપૂર, આ બે નવા પોસ્ટરો શાહરૂખ ખાન (Shah Rukh Khan)ની સાથે તાપસી પન્નુ, વિકી કૌશલ, વિક્રમ કોચર, અનિલ ગ્રોવર સહિત ડંકીની જોડીનું પ્રદર્શન કરે છે. આ પોસ્ટર્સ પ્રેમની લાગણી દર્શાવે છે, જે દર્શાવે છે કે મિત્રો પણ પરિવારનો એક ભાગ છે.
`ડંકી`નું નવું પોસ્ટર
થોડા સમય પહેલા શાહરૂખ ખાને તેની આગામી ફિલ્મ `ડિંકી`ના બે નવા પોસ્ટર તેના ઈન્સ્ટાગ્રામ પર શેર કર્યા હતા. વિકી કૌશલ, તાપસી પન્નુ અને અન્ય સ્ટાર્સને દર્શાવતું આ પોસ્ટર શેર કરતી વખતે તેણે લખ્યું હતું કે, “આવા પરિવાર વિના દિવાળી કેવી રહેશે અને નવું વર્ષ કેવું રહેશે? ખરી મજા તો સાથે ફરવામાં, સાથે રહેવામાં અને સાથે મળીને ઉજવણી કરવામાં છે... ડંકીની દુનિયામાં છે આ ઉલ્લુના પઠ્ઠા! #DunkiDrop1 હવે અહીં છે. #Dunki આ ક્રિસમસ 2023માં વિશ્વભરના થિયેટરોમાં રિલીઝ થશે.” પ્રથમ પોસ્ટરમાં લખવામાં આવ્યું છે કે, “તમારા પ્રિયજનો સાથે દિવાળી ઊજવો.” બીજા પોસ્ટરમાં લખવામાં આવ્યું છે કે, “આ નવું વર્ષ આપણા પ્રિયજનો સાથે.”
`ડંકી`ની રિલીઝ ડેટ
બોલિવૂડ હંગામા અનુસાર શાહરૂખ સ્ટારર `ડંકી`નું પહેલું ટીઝર સલમાન ખાન અને કેટરિના કૈફની `ટાઈગર 3` સાથે દુનિયાભરના સિનેમાઘરોમાં બતાવવામાં આવશે, જ્યારે `ડંકી` ડ્રોપ 1 એ દિગ્દર્શક રાજકુમાર હિરાની દ્વારા બનાવેલ હૃદય-સ્પર્શી વિશ્વની ઝલક આપી છે અને તેના પોસ્ટર્સે ફેન્સની ઉત્સુકતા વધુ ઉચ્ચા સ્તર પર લઈ જવામાં મદદ કરી છે. જિયો સ્ટુડિયો, રેડ ચિલીઝ એન્ટરટેઈનમેન્ટ અને રાજકુમાર હિરાણી ફિલ્મ્સની `ડંકી` 22 ડિસેમ્બર 2023ના રોજ રિલીઝ થવાની છે.
‘ડંકી’ માટે મને શાનદાર ગીત આપો : શાહરુખ
શાહરુખ ખાને મ્યુઝિક કમ્પોઝર પ્રીતમને વિનંતી કરી છે કે તેની આગામી ફિલ્મ ‘ડંકી’ માટે એક શાનદાર ગીત બનાવવામાં આવે. શાહરુખની આ ફિલ્મ ૨૦૨૩ની ક્રિસમસ દરમ્યાન રિલીઝ થવાની છે. ફિલ્મની સ્ટોરી ફ્રેન્ડશિપ અને પ્રેમ પર પ્રકાશ પાડશે. ફિલ્મમાં શાહરુખની સાથે તાપસી પન્નુ, વિકી કૌશલ, બમન ઈરાની અને વિક્રમ કોચર લીડ રોલમાં દેખાશે. ડિરેક્ટર રાજકુમાર હીરાણી છે.
બીજી નવેમ્બરે શાહરુખનો બર્થ-ડે હતો. એથી તેને સોશ્યલ મીડિયામાં ઢગલાબંધ શુભેચ્છાઓ આપવામાં આવી હતી. ગઈ કાલે શાહરુખે એ બધાનો સોશ્યલ મીડિયા પ્લૅટફૉર્મ એક્સ પર ધન્યવાદ વ્યક્ત કર્યો હતો. એ કડીમાં મ્યુઝિક કમ્પોઝર પ્રીતમ વિશે શાહરુખે લખ્યું કે ‘ધન્યવાદ દાદા. હવે મને ‘ડંકી’ માટે એક શાનદાર ગીત બનાવી આપો. લવ યુ.’