19 November, 2020 09:55 PM IST | Mumbai | IANS
દિલજિત દોસાંજ
‘સૂરજ પે મંગલ ભારી’માં દિલજિત દોસાંજને પોતાના પાત્ર માટે મરાઠી શીખવી પડી હતી. તેનું કહેવું છે કે નવી ભાષા શીખવી તેના માટે અઘરું હતું. ‘સૂરજ પે મંગલ ભારી’ લૉકડાઉન હટ્યા બાદ થિયેટર્સમાં રિલીઝ થનારી પહેલી ફિલ્મ છે.
ફિલ્મ વિશે દિલજિતે કહ્યું હતું કે ‘માણસ પોતાના પ્રેમ માટે કંઈ પણ કરે છે. મારા પાત્રને પણ પોતાના પ્રેમ માટે મરાઠી શીખવી પડે છે. હું ફિલ્મ પ્રતિના મારા પ્રેમ માટે શીખ્યો હતો. આ ફિલ્મ નિર્દોષતાથી ભરેલી છે. એને સારી બનાવવા માટે કામ કરવું જ પડે છે. મારું પાત્ર આ ફિલ્મમાં થોડા સમય માટે મરાઠીમાં બોલે પણ છે. તે બૉમ્બેનો છે, એથી આ ભાષા તેનો ભાગ હોય છે. નવી ભાષા શીખવી અઘરું હોય છે, પરંતુ એ ફિલ્મની માગ હતી. એ વાસ્તવિક લાગે છે. એથી જ્યારે ફાતિમાના કૅરૅક્ટર સાથે મારે વાત કરવાની હોય તો મારે મીઠી એવી મરાઠી ભાષામાં વાત કરવાની હોય છે. એ સીન્સ ખરેખર ખૂબ સરસ દેખાય છે. તમારા કામને સ્ક્રીન પર જોવાનો આનંદ મળે છે.’