શેલ્ફ લાઈફ વધારવા મોટી વયના એક્ટર્સ નાની વયની એક્ટ્રેસ સાથે કામ કરે છે

ઘરડા થઇ રહેલા એક્ટર્સ હજુ પણ ફિલ્મમાં લીડ રોલ પ્લે કરી રહ્યા છે જ્યારે ઉંમરવાન એક્ટ્રેસ સાથે આવું નથી થઇ રહ્યું. દિયાએ કહ્યું, 'મને આશા છે કે હવે એક્ટ્રેસને ઉંમર વધવા છતાં લીડ રોલ પ્લે કરતા અટકાવી શકાશે નહીં, પણ દુર્ભાગ્યવશ સત્ય એ છે કે તેમના માટે એટલી સ્ટોરી લખવામાં આવતી નથી, જેટલી પુરુષો માટે. એક ઘરડા વ્યક્તિને યુવા રોલ પ્લે કરતા જોવો વધુ દુર્ભાગ્યપૂર્ણ છે.

દિયાએ કહ્યું, 'સુંદરતાને હંમેશાં યુવા અવસ્થા સાથે જોડવામાં આવે છે. મને લાગે છે કે એટલે યુવા ચહેરાને કાસ્ટ કરવામાં આવે છે. નીના ગુપ્તા આનો અપવાદ છે. તેમણે ખુદ કહ્યું છે કે હું એક એક્ટર છું અને મને મારા કામથી પ્રેમ છે. કૃપા કરીને મને કાસ્ટ કરો. સારું છે કે અમુક ફિલ્મમેકર્સે તેમને લીડ રોલમાં કાસ્ટ કરવાનો નિર્ણય લીધો છે, જેમાં તેમણે તેમની ઉંમરને હરાવી દીધી પણ ઘણી એક્ટ્રેસિસ છે જે સંઘર્ષ કરી રહી છે અને તેમને લેવામાં આવતા નથી કારણકે તેમના માટે કોઈ સ્ટોરી લખવામાં આવી રહી નથી.'