10 April, 2020 06:42 PM IST | Mumbai | Gujarati Mid-day Online Correspondent
શાઝા મોરાની
શાઝા મોરાનીનો કોરોના વાયરસ (COVID-19)નો ટેસ્ટ નેગેટીવ આવાત મોરાની પરિવારને રાહત થઈ છે. શાઝાને કોઈપણ લક્ષણો નહોતા દેખાતા છતા તેનો પ્રથમ ટેસ્ટ પોઝેટીવ આવ્યો હતો. શાઝા પ્રથમ ટેસ્ટ બાદ બહેન ઝોઆ અને પિતા કરીમ મોરાનીનો પણ કોરોનાનો ટેસ્ટ પોઝેટીવ આવ્યો હતો,
આજે શાઝાનો બીજો ટેસ્ટ કરવામાં આવ્યો હતો. જે નેગેટીવ આવ્યો હતો. સુત્રોએ જણાવ્યું હતું કે, શાઝાનો ટેસ્ટ નેગેટીવ આવ્યો હોવા છતા વધુ એક ટેસ્ટ કરવામાં આવ્યો છે. જેનો રીપોર્ટ કાલે આવશે. જો આ રીપોર્ટ નેગેટીવ આવશે તો તેને હૉસ્પિટલમાંથી રજા આપવામાં આવશે. આશા છે કે રીપોર્ટ સારો આવે તો તે જલ્દી ઘરે પાછી આવે.
શાઝા માર્ચ મહિનામાં શ્રીલંકા ગઈ હતી અને બહેન ઝોઆ રાજસ્થાન ફરી આવી હતી. બન્ને મુંબઈ પાછા ફર્યા બાદ 14 દિવસ માટે પોતાને સેલ્ફ ક્વોરન્ટાઈન કર્યા હતા. ઝોઆને સુકી ઉધરસ અને તાવના લક્ષણો દેખાતા બન્નેએ ટેસ્ટ કરાવ્યા હતા. ત્યારે શાઝાને કોઈપણ લક્ષણ ન હોવા છતા તેનો રીપર્ટ પોઝેટીવ આવ્યો હતો. જ્યારે ઝોઆનો રીપોર્ટ બીજા દિવસે પોઝેટીવ આવ્યો હતો.