22 April, 2020 03:14 PM IST | Mumbai | Gujarati Mid-Day Correspondent
તાપસી પન્નુએ ઇન્સ્ટાગ્રામ પર એક જૂનો વિડિયો શૅર કર્યો છે જેમાં તે અનુરાગ કશ્યપ સાથે જિમમાં કસરત કરતી જોવા મળી રહી છે. તેઓ બન્ને વિડિયોમાં સ્ક્વૉટ કરતાં જોવા મળી રહ્યાં છે. આ વિડિયો શૅર કરવાની સાથે તાપસીએ કૅપ્શન આપી હતી કે ‘ડિરેક્ટર-ઍક્ટર જ્યારે સાથે વર્કઆઉટ કરે છે ત્યારે સાથે જ અમેઝિંગ સ્ટોરીઝ પણ બનાવે છે. આ સાથે જ સાઇડ પર પણ તેઓ અમેઝિંગ સ્ટોરી બનાવે છે. કાશ, હું એ તમને જણાવી શકી હોત, પરંતુ ડિનરનો ટાઇમ થઈ ગયો છે અને દરેક વ્યક્તિ એને ડાઇજેસ્ટ નહીં કરી શકે. અત્યારે હું એટલું જ કહી શકું છું કે અનુરાગ કશ્યપ, બહુ જલદી જિમમાં મળીશું.’
આ વિડિયો તેમની 2018માં આવેલી ‘મનમર્ઝિયાં’ સમયનો છે. આ વિડિયો જોયા બાદ અનુરાગે કમેન્ટ કરી હતી કે ‘તું ખૂબ જ ખરાબ છે.’