28 February, 2021 01:38 PM IST | Mumbai | Gujarati Mid-day Online Correspondent
વંદના સજનાની ખટ્ટર
બૉલીવુડ ફિલ્મ ઈન્ડસ્ટ્રીમાં ઘણા એવા સ્ટાર્સ છે, જેને ઘણી વાર રિજેક્શનનો સામનો કરવો પડે છે. તેમને આ રિજેક્શન ક્યારે ઓછા ટેલેન્ટના લીધે તો ક્યારે નેપોટિઝ્મના કારણે આ સહન કરવો પડે છે. હવે એક અભિનેત્રીએ જણાવ્યું છે કે તેમને ફિલ્મ ઈન્ડસ્ટ્રીમાં એટલે કામમાં મુશ્કેલી થઈ રહી છે, કારણકે સોશિયલ મીડિયા પર તેમના ફૉલોઅર્સની સંખ્યા ઘણી ઓછી છે.
આ અભિનેત્રી વંદના સજનાની ખટ્ટર છે. વંદના સજનાની બૉલીવુડ ફિલ્મ દિલ ધડકને દો, લક લક કી બાત, કૉર્પોરેટ અને રિશ્તે સહિત ઘણી ફિલ્મોમાં નજર આવી ચૂકી છે, પરંતુ તે બહુ ઓછી ફિલ્મોમાં મુખ્ય અભિનેત્રી તરીકે નજર આવી છે. વંદના સજનાનીએ પોતાના ઑફિશિયલ ઈન્સ્ટાગ્રામ અકાઉન્ટ પર પોતાનો અક વીડિયો પોસ્ટ કર્યો છે. આ વીડિયોમાં તે ફિલ્મ ઈન્ડસ્ટ્રી વિશે મોટો ખુલાસો કરતી જોવા મળી રહી છે.
વંદના સજનાની વીડિયોમાં કહ્યું, 'બે વર્ષ બ્રેકના બાદ મેં વિચાર્યું કે મને ફિલ્મોમાં પાછા ફરવું જોઈએ અને એટલે મેં કાસ્ટિંગ એજન્સ સાથે વાતચીત કરવાનું શરૂ કર્યું. આ પછી મને મારા સોશિયલ મીડિયા અકાઉન્ટ્સ વિશે પૂછવામાં આવ્યું અને મારું ઑડિશન પણ લેવામાં આવ્યું. પરંતુ મને મારા પર્ફોર્મન્સના કારણે કાઢી મૂકવામાં નહોતી આવી પરંતુ મને સોશિયલ મીડિયા પર ઓછા ફૉલોઅર્સ હોવાને કારણે કાઢી મૂકવામાં આવી હતી.'
વંદના સજનાનીએ આગળ કહ્યું, 'આજકાલ તેમને ફિલ્મોમાં લેવામાં આવ છે, જેમના ઈન્સ્ટાગ્રામ પર ફૉલોઅર્સની સંખ્યા વધારે છે. મારા માટે આ ખૂબ જ આશ્ચર્યજનક કારણ હતું કારણકે મને આ પહેલા ક્યારે પણ આવું સાંભળવા નહોતું મળ્યું. વંદના સજનાની આ વાતને લઈને ખૂબ નિરાશ છે. આગળ તેમણે કહ્યું, 'જો તમે સારું કામ કરવાનું જાણો છો તો તમારું સિલેક્શન ઈન્સ્ટાગ્રામ ફૉલોઅર્સના કારણે થશે. આ વાત તો અનુચિત છે.'
સોશિયલ મીડિયા પર વંદના સજનાનીનો આ વીડિયો ઝડપથી વાઈરલ થઈ રહ્યો છે. અભિનેત્રીના ઘણા ફૅન્સ અને તમામ સોશિયલ મીડિયા યૂઝર્સ તેના વીડિયો પર પોતાની પ્રતિક્રિયા આપી રહ્યા છે. તમને જણાવી દઈએ કે વંદના સજનાની બૉલીવુડ અભિનેતા રાજેશ ખટ્ટરની પત્ની છે. આ બન્નેએ વર્ષ 2008માં એકબીજા સાથે લગ્ન કર્યા હતા.