21 June, 2017 05:34 AM IST |
ભારતીય સિનેમાની ઘણી ફિલ્મોનું પહેલી વાર મૉસ્કો ફિલ્મ ફેસ્ટિવલમાં સ્ક્રીનિંગ કરવામાં આવશે. ભારત અને રશિયાના ૭૦ વર્ષના દ્વિપક્ષી સંબંધોના સેલિબ્રેશન માટે ૩૯મા મૉસ્કો ફિલ્મ ફેસ્ટિવલમાં ઇન્ડિયન ફિલ્મો માટે એક સ્પેશ્યલ સેક્શન ફાળવવામાં આવ્યું છે. આ ફિલ્મોમાં ‘બાહુબલી’ સિરીઝ, ‘બૅડમૅન’, ‘અ ડેથ ઇન ધ ગુંજ’, ગુજરાતી ફિલ્મ ‘બે યાર’, કન્નડ ફિલ્મ ‘યુ ટર્ન’ અને આસામી ફિલ્મ ‘કથાનળી’નો સમાવેશ કરવામાં આવ્યો છે. આ ફેસ્ટિવલ બાવીસથી ૨૯ જૂન સુધી ચાલશે.