20 August, 2012 05:52 AM IST |
પ્રતીક અને ઍમીના સંબંધો વિશે વાત કરતાં પ્રતીકનો નજીકનો એક મિત્ર કહે છે, ‘પ્રતીક અને ઍમીના પ્રેમપ્રકરણનો અંત આવી ગયો હોવાની ચર્ચા સાવ ખોટી છે. દરેક સંબંધમાં નાના-નાના ઝઘડા તો થતા રહે છે. ઍમીને એની ફિલ્મના શૂટિંગ માટે ચેન્નઈમાં સારોએવો સમય પસાર કરવો પડે છે અને પ્રતીક પણ તેના કામમાં વ્યસ્ત છે. આ બન્ને છેલ્લા કેટલાક સમયથી સાથે નથી જોવા મળ્યાં એનો મતલબ એ નથી કે તેમના સંબંધોનો અંત આવી ગયો છે.’
પ્રતીક-ઍમીનો ટૅટૂમાં છલકાતો પ્રેમ
બૉલીવુડની એક વ્યક્તિએ આપેલી માહિતી પ્રમાણે ઍમી ખરેખર પ્રતીક માટે બહુ પઝેસિવ છે અને તેની ગાડી ઘણી વાર પ્રતીકના ઘરની બહાર પાર્ક થયેલી જોવા મળે છે. ઍમી અને પ્રતીક બન્નેએ પોતાના હાથ પર ટૅટૂ કરાવ્યાં છે. એમીના ટૅટૂમાં લખેલું છે, ‘મેરા પ્યાર મેરા પ્રતીક’ જ્યારે પ્રતીકે લખાવ્યું છે, ‘મેરા પ્યાર મેરી ઍમી’.