21 March, 2020 02:36 PM IST | Mumbai | Gujarati Mid-day Correspondent
આલિયા ભટ્ટ
આલિયા ભટ્ટ ‘RRR’માં કામ નહીં કરે એવી ચર્ચા ચાલી રહી છે. એસ. એસ. રાજામૌલીની આ ભવ્ય ફિલ્મમાં અજય દેવગન, જુનિયર એનટીઆર અને રામ ચરણ જોવા મળશે. અજય દેવગને તાજેતરમાં જ હૈદ્રાબાદનું શૂટિંગ પૂરું કર્યું છે. એવામાં આલિયાના ફૅન્સ પણ તેને આ ફિલ્મમાં જોવા માટે આતુર છે. આ ફિલ્મનું બજેટ જરૂર કરતાં વધી જતાં ફિલ્મના ઍક્ટર્સને પ્રોડ્યુસરે તેમની ફીમાં થોડો ઘટાડો કરવાની અપીલ પણ કરી હતી. સાથે એવું પણ સાંભળવા મળ્યું હતું કે અજય દેવગન તો આ ફિલ્મમાં ફ્રીમાં કામ કરવાનો છે. આલિયા પાસે ‘તખ્ત’ અને ‘ગંગુબાઈ કાઠિયાવાડી’ છે. સાથે જ તે અન્ય પ્રોજ્ક્ટમાં પણ બિઝી છે. જોકે પ્રોડક્શન હાઉસ વતી જાણવા મળ્યું છે કે આલિયા ‘RRR’માં કામ કરવાની છે અને તે મે મહિનામાં ટીમમાં સામેલ પણ થવાની છે. ફિલ્મનું ૭૫ ટકા કામ પૂરું થઈ ગયું છે. ફિલ્મનાં બાકી રહેલા ૨૫ ટકામાં આલિયાનો રોલ અગત્યનો છે. જોકે આ તમામ વાતો વચ્ચે એવી ચર્ચા છે કે તે હવે આ ફિલ્મમાં કામ નહીં કરે.