16 July, 2020 10:39 PM IST | Mumbai Desk | Agencies
અક્ષય કુમાર
અક્ષયકુમાર તેની આગામી ફિલ્મ ‘બેલ બૉટમ’ના શૂટિંગ માટે સ્કૉટલૅન્ડ પ્રાઇવેટ જેટમાં જશે. ટૂંક સમયમાં આ ફિલ્મનું શૂટિંગ શરૂ થવાનું છે, જેને સળંગ પૂરું કરવાની યોજના છે. ડિરેક્ટર રંજિત એમ. તિવારીની ફિલ્મનું શૂટિંગ આ મહિનાથી જ શરૂ થવાનું હતું, પરંતુ ઇન્ટરનૅશનલ ફ્લાઇટ સંપૂર્ણપણે ચાલુ ન હોવાથી કંઈ મેળ પડ્યો નહીં. જોકે અક્ષયકુમાર તેની ટીમ સાથે આ થ્રિલરનું શૂટિંગ કરવા માટે પ્રાઇવેટ જેટમાં જશે. આ પહેલી એવી ફિલ્મ હશે જે કોરોનાના સંક્રમણ વચ્ચે ફૉરેન લોકેશન પર શૂટિંગ કરવા જઈ રહી છે. જોકે તેમને સાવચેતીનું ખાસ ધ્યાન રાખવું પડશે.