રાધિકા મદાન સાથે ઍક્ટિંગ કરતી વખતે મારો પર્ફોર્મન્સ આપમેળે વધારે સારો થઈ જાય છે

અક્ષયે તેની સરફિરાની કો-ઍક્ટ્રેસને સુપર-ટૅલન્ટેડ ગણાવી

અક્ષય કુમાર, રાધિકા મદાન

અક્ષય કુમારે તાજેતરમાં અભિનેત્રી રાધિકા મદાનની ખુલ્લેઆમ પ્રશંસા કરી છે. અક્ષયના લોકપ્રિય ગેમ શો ‘વ્હીલ ઑફ ફૉર્ચ્યુન’નો એપિસોડ હોળીની થીમ પર બનાવવામાં આવ્યો હતો. આ ખાસ શોમાં અક્ષય સાથે ‘સરફિરા’માં કામ કરી ચૂકેલી રાધિકા મદાને હાજરી આપી હતી. શોમાં રાધિકાની ઍક્ટિંગનાં વખાણ કરતાં અક્ષયે કહ્યું હતું કે ‘રાધિકા બહુ ટૅલન્ટેડ છે અને તેની સાથે ઍક્ટિંગ કરતી વખતે મારો પર્ફોર્મન્સ આપમેળે વધારે સારો થઈ જાય છે. મને એવું લાગે છે કે જાણે હું ઍક્ટિંગની બધી વાતો નવી રીતે સમજી રહ્યો છું. હું બહુ સમજી-વિચારીને કોઈને સારી ઍક્ટ્રેસ ગણાવું છું, પણ રાધિકા ખરેખર બહુ પ્રતિભાશાળી છે.’