અક્ષયના નૅપ્કિનને અડ્યા તો ખેર નથી
દરેક ઍક્ટર માટે સેટ પર ડ્રેસમૅનની વ્યવસ્થા રાખવામાં આવે છે જે કલાકારનાં ફિલ્મનાં તમામ કપડાં પર નજર રાખે છે. જોકે અક્ષયની આગામી ફિલ્મના સેટ પર તેના ડ્રેસમૅનની જવાબદારી ઉપાડનાર વ્યક્તિ તેના ડ્રેસની સાથોસાથ અક્ષય પોતાનો પરસેવો લૂછવા માટે જે નૅપ્કિનનો ઉપયોગ કરે છે એનું પણ ખાસ ધ્યાન રાખે છે. આઉટડોર શૂટિંગમાં ભારે ગરમીને કારણે પરસેવાનું પ્રમાણ વધી જતાં નૅપ્કિનનો વપરાશ પણ વધી જાય છે. આવા સંજોગોમાં ડ્રેસમૅન પોતાના ટ્રાઉઝરના બેલ્ટમાં આ નૅપ્કિનને ભરાવીને એને સૂકવી દે છે. જો કોઈ વ્યક્તિ જાણીને કે અજાણતાં આ નૅપ્કિનને અડી જાય તો આ ડ્રેસમૅનનો ગુસ્સો સાતમા આસમાને પહોંચી જાય છે અને આને કારણે તે સેટ પર લગભગ બધી વ્યક્તિઓને અક્કીના નૅપ્કિનને હાથ અડાડ્યો તો ખેર નથી એવી ધમકી આપતો ફરે છે.