અક્ષય મારા માટે ભગવાન સમાન છે : બી. પ્રાક

અક્ષય મારા માટે ભગવાન સમાન છે : બી. પ્રાક

અક્ષય કુમાર અને બી. પ્રાક

સિંગર બી. પ્રાક માટે અક્ષયકુમાર ભગવાન સમાન છે. બી. પ્રાકે હાલમાં જ અક્ષયકુમાર અને ક્રિતી સૅનનની બહેન નૂપુર સૅનન સાથે એક મ્યુઝિક વિડિયો ‘ફિલહાલ’માં ગીત ગાયુ છે. આ આલ્બમ દ્વારા અક્ષયકુમારે મ્યુઝિક વિડિયોમાં એન્ટ્રી કરી છે. આ અગાઉ તેણે અક્ષયકુમાર માટે ‘કેસરી’માં ‘તેરી મિટ્ટી’ ગીત ગાયું હતું. અક્ષયકુમારની પ્રશંસા કરતાં બી. પ્રાકે કહ્યું હતું કે ‘હું ખૂબ નસીબદાર છું કે અક્ષય સરે મારા માટે આ મ્યુઝિક વિડિયોમાં કામ કર્યું છે. હું તેમનો જેટલો પણ આભાર માનુ એટલો ઓછો છે. તેઓ અમારા જીવનમાં ભગવાન તરીકે આવ્યા છે. તેમની સાથે કામ કરવાનો અવસર મળ્યો એ મારા માટે આશીર્વાદ સમાન છે.’