શાહરુખની કિંગમાં વિલન બન્યો અભિષેક બચ્ચન?

ફિલ્મનું શૂટિંગ આ વર્ષે ઑક્ટોબર અથવા નવેમ્બરમાં શરૂ થશે

શાહરુખ ખાન

શાહરુખ ખાનની આગામી ફિલ્મ ‘કિંગ’માં અભિષેક બચ્ચનની એન્ટ્રી થઈ હોવાનું જાણવા મળ્યું છે. એ ફિલ્મમાં અભિષેક નેગેટિવ રોલમાં દેખાવાનો છે. તેના રોલ વિશે એટલું જાણવા મળ્યું છે કે તેનું પાત્ર સૉફિસ્ટિકેટેડ અને કૉમ્પ્લેક્સ રહેશે એથી અભિષેકનો તદ્દન નવો અવતાર ફિલ્મમાં જોવા મળશે. ફિલ્મનું શૂટિંગ આ વર્ષે ઑક્ટોબર અથવા નવેમ્બરમાં શરૂ થશે. ફિલ્મ ૨૦૨૫ અથવા ૨૦૨૬માં રિલીઝ થશે. આ ફિલ્મમાં શાહરુખની દીકરી સુહાના ખાન પણ જોવા મળશે. આ ફિલ્મનો કો-પ્રોડ્યુસર શાહરુખ છે. ફિલ્મનું પ્રી-પ્રોડક્શનનું કામ ચાલી રહ્યું છે. શાહરુખ અને અભિષેકે અગાઉ ‘કભી અલવિદા ના કહના’ અને ‘હૅપી ન્યુ યર’માં સાથે કામ કર્યું હતું.