10 November, 2020 04:18 PM IST | Mumbai | Gujarati Mid-day Online Correspondent
ફાઈલ ફોટો
અભિનેતા અભિષેક બચ્ચન તેની આગામી ફિલ્મ લુડોના પ્રમોશનમાં વ્યસ્ત છે. તેની ફિલ્મ દિવાળી પર નેટફ્લિક્સ પર રિલીઝ થવાની છે. આ તમામ વચ્ચે અભિષેક ટ્રોલ થઇ રહ્યો છે.
ટ્વિટર પર એક યુઝરે અભિષેક બચ્ચનને ટ્રોલ કરવાનો પ્રયત્ન કર્યો હતો પરંતુ તે પોતે જ ટ્રોલ થયો હતો. આ યુઝરે પોતાની ટ્વિટમાં ખેડૂતનો ફોટો શેર કર્યો. ખેડૂત પરાળી બાળી રહ્યો છે. અભિષેક બચ્ચન ફોટોમાં જોવા મળેલી વ્યક્તિની જેમ કંઈક અંશે દેખાય છે. યુઝરે ફોટો શેર કરીને લખ્યું – જો અભિષેક ‘બચ્ચન’ ન હોત. આ રીતે તેનુ કહેવાનુ હતુ કે અભિષેક ફક્ત બચ્ચન હોવાના લીધે જ ચાલી રહ્યો છે કે ફિલ્મોમાં કામ કરી રહ્યો છે.
જુનિયર બચ્ચને આ ટ્વીટનો જોરદાર જવાબ આપ્યો. ટ્રોલરની ટ્વિટનો જવાબ આપતા તેણે લખ્યું, હાહાહાહા. ફની! તારા કરતા તો સારો દેખાઉ છુ દોસ્ત. આ પહેલીવાર નથી જ્યારે અભિષેક બચ્ચને ટ્રોલને યોગ્ય જવાબ આપ્યો હોય. તે આ પહેલા પણ આ રીતે સોશિયલ મીડિયા પર જવાબ આપી ચુક્યો છે.
નેપોટિઝમના નામે એક યુઝરે અગાઉ પણ તેને ટ્રોલ કરવાનો પ્રયાસ કર્યો હતો, જ્યારે અભિનેતાએ ખૂબ જ રમૂજી જવાબ આપ્યો હતો. અમિત શુક્લા નામના પહેલા યૂઝર્સે લખ્યું, ‘તને નથી લાગતું કે તને માત્ર અમિતાભ બચ્ચનના પુત્રના કારણે જ ફિલ્મોમાં કામ મળે છે.’ અભિષેકે આ ટ્વીટનો જવાબ આપ્યો, હું ઈચ્છું છું કે તમે જે બોલો તે સાચું પડે. વિચારો કે મને કેટલું કામ મળશે.
અભિષેક બચ્ચન લુડો ફિલ્મમાં જોવા મળશે. આ ફિલ્મમાં તેની સાથે રાજકુમાર રાવ, આદિત્ય રોય કપૂર, પંકજ ત્રિપાઠી, સાન્યા મલ્હોત્રા છે. લુડો નિર્દેશક અનુરાગ બાસુએ પ્રોડ્યુસ કરી છે. આ સાથે જ અભિષેક ફિલ્મ બિગ બુલ અને બોબ બિસ્વાસમાં પણ મુખ્ય ભૂમિકામાં જોવા મળશે.