અભિષેક બચ્ચનની સોશ્યલ મીડિયા પોસ્ટે તેના ફૅન્સને મૂકી દીધા ચિંતામાં

તે સામાન્ય રીતે પોતાના અંગત જીવનને સોશ્યલ મીડિયાથી દૂર રાખે છે

અભિષેક બચ્ચને સોશ્યલ મીડિયામાં કરેલી પોસ્ટ

અમિતાભ બચ્ચન અવારનવાર સોશ્યલ મીડિયા પર પોસ્ટ શૅર કરતા જોવા મળે છે, પણ બચ્ચન-પરિવારના અન્ય સભ્યો સોશ્યલ મીડિયા પર ખૂબ ઓછા સક્રિય રહે છે. જોકે હાલમાં અભિષેક બચ્ચને સોશ્યલ મીડિયા પર એવી પોસ્ટ મૂકી છે જેણે તેના ફૅન્સને આશ્ચર્યમાં મૂકી દીધા છે. આ પોસ્ટ શૅર કરીને અભિષેકે કૅપ્શનમાં લખ્યું છે, ‘ક્યારેક પોતાને મળવા માટે, બધાથી ‘મિસિંગ’ થવું પડે છે.’

આ પોસ્ટે સોશ્યલ મીડિયા પર અનેક સવાલ ઊભા કર્યા છે. ફૅન્સના મનમાં એક જ સવાલ ઊઠી રહ્યો છે કે અભિષેક અચાનક ગાયબ થવાની વાત કેમ કરી રહ્યો છે? આ પોસ્ટથી એવું લાગે છે કે તે કોઈક વાતથી ખૂબ પરેશાન છે અને એ સમયે તે બધાથી દૂર થઈ જવા માગે છે, પછી એ પરિવાર હોય કે અન્ય. તેની આ નોટથી એવું લાગે છે કે તે પોતાને માટે થોડો સમય કાઢવા માગે છે. જોકે એવું પણ શક્ય છે કે અભિષેક આ પોસ્ટ દ્વારા પોતાની કોઈ ફિલ્મનું પ્રમોશન કરી રહ્યો હોય. અભિષેક સામાન્ય રીતે સોશ્યલ મીડિયા પર તેના પ્રોજેક્ટ્સનું પ્રમોશન કરતો હોય છે અને અંગત જીવનને દૂર રાખે છે એથી આ પોસ્ટનું સાચું કારણ શું છે એ તો માત્ર અભિષેક જ જાણે.