01 February, 2020 12:07 PM IST | Mumbai | Upala KBR
આમિર ખાન
આમિર ખાન તેની ‘લાલ સિંહ ચઢ્ઢા’ માટે ક્લીન શેવ્ડ લુકમાં જોવા મળ્યો છે. હિમાચલ પ્રદેશમાં શૂટિંગ દરમ્યાન તે દાઢીવાળા લુકમાં જોવા મળ્યો હતો. આ ફિલ્મ તેના માટે મહત્ત્વાકાંક્ષી પ્રોજેક્ટ છે. ફિલ્મના તેનો લુક સતત જોવા મળે છે. થોડા સમય પહેલાં જ આમિર એક ઇવેન્ટમાં ક્લીન શેવ્ડ દેખાયો હતો. તે ગુડગાંવમાં શૂટિંગ કરી રહ્યો છે. આ ફિલ્મમાં તેની સાથે કરીના કપૂર ખાન પણ અગત્યના રોલમાં જોવા મળશે.
આ ફિલ્મ ૧૯૯૪માં આવેલી હૉલીવુડની ‘ફૉરેસ્ટ ગમ્પ’ની હિન્દી રીમેક છે. આ ફિલ્મ ૨૦૨૦ની ક્રિસમસમાં રિલીઝ થવાની છે. ફિલ્મના ડિરેક્ટર અદ્વૈત ચંદન છે. ફિલ્મમાં તેના કૅરૅક્ટરનાં ૩૦ વર્ષના સમયગાળામાં ભારતમાં ઘટેલા રાજકીય અને કલ્ચરલ ઘટનાક્રમોને આવરી લેવામાં આવશે. તાજેતરમાં જ આમિરે એક દૃશ્યનું શૂટિંગ કર્યું હતું, જેમાં તેનું કૅરૅક્ટર કારગિલ વૉર બાદ આર્મીમાંથી સેવાનિવૃત્ત થાય છે.
આ પણ વાંચો : કંગના રનોટની બાયોપિક બનાવવી ગમશે : અશ્વિની અય્યર તિવારી
ઓરિજિનલ ફિલ્મની જેમ જ આ ફિલ્મમાં પણ તે એક કંપનીને પ્રમોટ કરે છે અને પોતાના સાથી સૈનિકોને આપેલું વચન પૂરું કરવા માટે પૈસા જમા કરે છે. આ સીન માટે બે દિવસનું શૂટિંગ કરવામાં આવ્યું હતું.