હમારી એક ફિલ્મ તો સાથ મેં બનતી હૈ

શાહ રૂખ ખાન , આમિર ખાન , સલમાન ખાન

આમિર ખાનની ઇચ્છા છે કે તે શાહરુખ ખાન અને સલમાન ખાન સાથે ફિલ્મ કરે. આમિરે હાલમાં જ ‘ધ ગ્રેટ ઇન્ડિયન કપિલ શો’માં હાજરી આપી હતી. આ શો શનિવારે રિલીઝ કરવામાં આવ્યો હતો. જોકે એની એક ક્લિપ ગઈ કાલે રિલીઝ કરવામાં આવી હતી. આ ક્લિપનો સમાવેશ એપિસોડમાં કરવામાં નહોતો આવ્યો. આ શોમાં એક દર્શકે તેને સલમાન અને શાહરુખ સાથે ફિલ્મ કરવા વિશે કહ્યું હતું. એનો જવાબ આપતાં આમિરે કહ્યું હતું કે ‘તમે અને હું બન્ને એકસરખું વિચારી રહ્યા છીએ. હું હાલમાં જ શાહરુખ અને સલમાનને મળ્યો હતો. મેં તેમને કહ્યું હતું કે આપણે ત્રણેય ઘણાં વર્ષોથી ઇન્ડસ્ટ્રીમાં છીએ અને કરીઅરના આ પડાવ પર આપણે ત્રણેય એક ફિલ્મ સાથે ન કરીએ તો દર્શકો સાથે એ ખોટું કર્યું કહેવાશે. એક ફિલ્મ તો સાથ મેં બનતી હૈ.’