02 March, 2020 06:40 PM IST |
આમિર ખાને સંસ્થા માટે એક જાહેરાતનું શૂટિંગ ગઈ કાલે અને મંગળવારે દિલ્હીમાં કર્યું હતું. આ જાહેરાતને ‘કુપોષણ : ભારત છોડો’ના નામે બતાવવામાં આવશે. આમિરે દિલ્હીના જાણીતા વિસ્તારો લાલ કિલ્લા અને ઇન્ડિયા ગેટ પાસે આ જાહેરાતનું શૂટિંગ કર્યું હતું. જ્યારે આમિરને સંસ્થાના ઍમ્બેસેડર તરીકે સ્પીચ આપવાની હતી ત્યારે તેણે કહ્યું હતું કે ‘હું આ ઍમ્બેસેડરના કાર્યને એક ભારણ નહીં, પણ જવાબદારી સમજું છું. જ્યારે મને યુનિસેફ દ્વારા અમુક બાબતોની ખબર પડી ત્યારે મને થયું કે આપણે ઘણું કરી શકીએ એમ છીએ અને હજી સુધી કોઈ વ્યવસ્થિત પગલાં લેવામાં નથી આવ્યાં.’
આ સંસ્થા જાણીતા ચહેરાઓ સાથે મળીને બાળકો માટે કામ કરવા માટે જાણીતી છે. હૉલીવુડના જાણીતા કલાકારો જેમ કે ઍન્જલિના જૉલી અને જૅકી ચૅન, ફૂટબૉલ પ્લેયર ડેવિડ બેકહૅમ તથા સ્પેનની જાણીતી ફૂટબૉલ ટીમ બાર્સેલોના સાથે યુનિસેફ ઘણા વષોર્થી સંકળાયેલી છે.