20 December, 2019 11:24 AM IST | Mumbai
અમિતકુમાર અને લીના ચંદાવરકર સાથે ઇન્ડિયન આઇડલના જજ અને સ્પર્ધક.
કિશોરકુમારના દીકરા અમિતકુમારનું કહેવું છે કે ‘આકે સીધે લગી દિલ પે...’ ગીત પહેલાં લતા મંગેશકર ગાવાના હતા. ૧૯૬૨માં આવેલી ‘હાલ્ફ ટિકીટ’માં આ ગીતનો સમાવેશ કરવામાં આવ્યો હતો. આ ગીતમાં મેલ અને ફિમેલ બન્ને અવાજ કિશોરકુમારે આપ્યો હતો. સોની ટીવી પર આવતા ‘ઇન્ડિયન આઇડલ ૧૧’માં હાલમાં જ કિશોકુમારને એક શો ડેડિકેટ કરવામાં આવ્યો હતો. આ શોમાં તેમની પત્ની લીના ચંદાવરકર અને દીકરો અમિતકુમારે હાજરી આપી હતી. આ શોમાં સ્પર્ધક ઋષભે ‘ઐસે ના મુજે તુમ દેખો...’ અને ‘આકે સીદે લગી દિલ પે...’ ગાયુ હતું. આ ગીત બાદ અમિતકુમારે જણાવ્યું હતું કે આ ગીત પહેલાં લતા મંગેશકરજી અને કિશોરકુમાર ગાવાના હતા. જોકે કોઈક કારણ સર લતાજી ગીત ન ગાઈ શકી હોવાતી કિશોરકુમારે બન્ને અવાજમાં ગાવાનું નક્કી કર્યું હતું.