સોનુ સૂદની મમ્મીના નામે મોગામાં એક રસ્તાનું કરવામાં આવ્યું નામકરણ

સોનુ સૂદની મમ્મીના નામે મોગામાં એક રસ્તાનું કરવામાં આવ્યું નામકરણ

સોનુ સૂદ

સોનુ સૂદે લૉકડાઉન દરમ્યાન જે માનવસેવા કરી છે એને જોતાં તેના હોમ ટાઉનમાં સ્થિત એક રોડને તેની મમ્મીનું નામ આપવામાં આવ્યું છે. એ રોડને પ્રોફેસર સરોજ સૂદ રોડ નામ આપવામાં આવ્યું છે. એ નામની તખ્તીનો ફોટો ઇન્સ્ટાગ્રામ પર શૅર કરીને સોનુ સુદે કૅપ્શન આપી હતી કે ‘આ વસ્તુનું સપનું તો હું મારી લાઇફમાં જોતો આવ્યો હતો. આજે મારા હોમ ટાઉન મોગામાં આવેલા એક રોડને પ્રોફેસર સરોજ સૂદ રોડ નામ આપવામાં આવ્યું છે. આ એ જ રસ્તો છે જેના પરથી તે આખી ચિંદગી પસાર થઈ હતી. તે ઘરેથી કૉલેજ અને ઘરે પાછી ફરતી હતી. આ મારી લાઇફનું ખૂબ જ અગત્યનું ચૅપ્ટર છે. મને પૂરી ખાતરી છે કે મારાં મમ્મી-ડૅડી સ્વર્ગમાં જ્યાં પણ હશે ત્યાંથી તેઓ જરૂર મલકાતાં હશે. કદાચ તેઓ આ જોવા માટે હયાત હોત. આના માટે હું મિસ્ટર હરજોત કમલ, મિસ્ટર સંદીપ હંસ અને મિસિસ અનીતા દર્શી મૅમનો આભાર માનું છું. હવે હું ગર્વથી કહી શકું છું કે પ્રોફેસર સરોજ સૂદ રોડ વિશ્વમાં મારી ફેવરિટ જગ્યામાંનો એક છે. મારી સફળતાનો માર્ગ.’