11 September, 2019 11:50 AM IST | મુંબઈ
સારા અલી ખાન
સારા અલી ખાનનું કહેવું છે કે ‘કૂલી નંબર 1’ની રીમેકમાં કરિશ્મા કપૂરનાં પાત્રને ભજવવામાં તે કોઈ સ્ટ્રેસ નથી લઈ રહી. ૧૯૯૫માં આવેલી આ ફિલ્મ ગોવિંદા અને કરિશ્મા કપૂરની ‘કૂલી નંબર 1’ની રીમેક છે. આ ફિલ્મને ડેવિડ ધવન ડિરેક્ટ કરી હતી અને હવે એની રીમેકને પણ તેઓ જ ડિરેક્ટ કરી રહ્યા છે. આ ફિલ્મ ૨૦૨૦ની એક મેએ રિલીઝ થવાની છે.
સારા હાલમાં ‘મૈં તો રસ્તે સે જા રહા થા’ગીતની રિહર્સલ કરી રહી છે. કરિશ્માનો રોલ ભજવતાં તેની પ્રશંસા કરતા સારાએ કહ્યું હતું કે ‘ફિલ્મ, એનું ગીત અને એની સાથે જોડાયેલી બધી વસ્તુઓ આઇકોનિક છે. એથી મારા માટે થોડું અઘરું છે. જોકે અમે પ્રેશર લઈશું તો નક્કી અમારાથી કંઈક ભુલ થઈ જશે.
આ પણ વાંચો : ડ્રિમ ગર્લ મારી અત્યાર સુધીની સૌથી કમર્શિયલ અને મસાલા ફિલ્મ છે : આયુષ્માન
ગોવિંદાજી અને કરિશ્માજીની સહજતા અને તેમનાં ‘બિન્દાસપન’એ તેમને દરેક ટેક અને દરેક શોટમાં આઇકોનિક બનાવ્યા હતાં. તેમણે શૂટિંગ દરમ્યાન ખૂબ ફન કર્યું હતું એ સ્ક્રીન પર પણ દેખાઈ આવે છે. તેમનાં પાત્રને જીવંત કરવા એ મારા માટે મોટી જવાબદારી છે. જોકે હું એને લઈને હાલમાં કોઈ સ્ટ્રેસ નથી લઈ રહી.’