27 September, 2019 10:39 AM IST | મુંબઈ
સલમાન ખાન
સલમાન ખાને ચોખવટ કરી છે કે ૨૦૨૦ની ઇદ દરમ્યાન રિલીઝ થનારી ફિલ્મનું નામ ‘રાધે’ નથી. ઘણાં વર્ષોથી પોતાનાં ફૅન્સને ઇદની ગિફ્ટ આપતાં સલમાન તેની ફિલ્મ લઈને આવે છે. સંજય લીલા ભણસાલીની ‘ઇન્શાઅલ્લાહ’માં સલમાન કામ કરવાનો હતો. જોકે એ ફિલ્મ છોડતાં તેની ‘કિક 2’ અને ત્યાર બાદ ‘રાધે’ એ દિવસે રિલીઝ થશે એવી ચર્ચા હતી. આ અંગે ખૂલાસો કરતાં સલમાને કહ્યું હતું કે ‘હું અને પ્રભુદેવા એક ફિલ્મમાં ફરી સાથે કામ કરી રહ્યા છીએ. જોકે ઇદમાં જે ફિલ્મ રિલીઝ થવાની છે એનું નામ ‘રાધે’ નથી.’