તેલુગુ કૉમેડી ઓહ! બેબીની હિન્દી રીમેક બનાવવાની ઇચ્છા છે રાણા દગુબટ્ટીને

તેલુગુ કૉમેડી ઓહ! બેબીની હિન્દી રીમેક બનાવવાની ઇચ્છા છે રાણા દગુબટ્ટીને

રાણા દગુબટ્ટી

રાણા દગુબટ્ટીને તેલુગુ ફિલ્મ ‘ઓહ! બેબી’ની હિન્દી રીમેક બનાવવાની ઈચ્છા છે. આ ફિલ્મને તેનાં બૅનર સુરેશ પ્રોડક્શન્સ હેઠળ બનાવવામાં આવી હતી. આ ફિલ્મ ૫ જુલાઈએ રિલીઝ થઈ હતી. સમંથા અકિનેની આ ફિલ્મમાં લીડ રોલમાં હતી. ફિલ્મની સ્ટોરી એક ૭૦ વર્ષિય મહિલાની છે જે એક દિવસ સવારે જાગે છે અને તેને પોતાનું શરીર ૨૪ વર્ષિય યુવતી જેવુ લાગે છે. આ ફિલ્મ સાઉથ કોરિયાની ‘મિસ ગ્રેની’ની રીમેક છે. આ ફિલ્મને હવે હિન્દીમાં બનાવવાની વાત કરતાં રાણા દગુબટ્ટીએ કહ્યું હતું કે ‘એક વાત સ્પષ્ટ છે કે આ એવી સ્ટોરી છે જે ટ્રાવેલ કરે છે. ઓરિજિનલી આ સ્ટોરી કોરિયાની ભાષામાં લખવામાં આવી હતી.

આ પણ વાંચો : સિનેમા હૉલમાં જવાનો અનુભવ અનેરો હોય છે : ફારાહ ખાન

બાદમાં એને વિશ્વની અનેક ભાષામાં લખવામાં આવી છે. જલદી જ આ ફિલ્મને હિન્દીમાં બનાવવાની મારી ઈચ્છા છે. ફિલ્મનો સેન્ટ્રલ પ્લોટ એ જ રહે છે અને અનેક દેશોની ભાષા પ્રમાણે એમાં થોડાં ફેરફાર સાથે નવા પાત્રોનો ઉમેરો કરવામાં આવ્યો છે. સાથે જ ફિલ્મનો ડ્રામા અને ફનને પણ જાળવી રાખવાનો પ્રયાસ કરવામાં આવ્યો છે.’