રાકેશ બેદી, મનોજ જોષી અને વીરેન્દ્ર સક્સેના જોવા મળશે વેબ-સિરીઝમાં

રાકેશ બેદી, મનોજ જોષી અને વીરેન્દ્ર સક્સેના જોવા મળશે વેબ-સિરીઝમાં

‘ફાધર્સ વૉલ્યુમ 2’ વેબ-સિરીઝમાં રાકેશ બેદી, મનોજ જોશી અને વિરેન્દ્ર સક્સેના જોવા મળશે. આ વેબ-સિરીઝ પચ્ચીસ ઑક્ટોબરે TVFPlay અને MX Player પર રિલીઝ કરવામાં આવશે. ડૅડીની ભૂમિકામાં જોવા મળનારા આ કલાકારો PUBG રમતા, વિડિયો વાઇરલ કરતા અને મોજ મજા કરતા જોવા મળશે. બાળકો અને પિતા વચ્ચેના સંબંધો પર પ્રકાશ પાડતી આ વેબ-સિરીઝ વિશે રાકેશ બેદીએ કહ્યું હતું કે ‘વર્તમાન સમયમાં આંગળીના ટેરવે દરેક કન્ટેન્ટ મળી રહે છે. આપણી આસપાસ થતા પરિવર્તનને સ્વીકારવુ એ પણ અગત્યનું છે. આ સમય જ વેબ-સિરીઝનો છે. લોકોને પણ આ વેબ-સિરીઝ થોડા સમય માટે વાસ્તવિક્તાથી દૂર રાખી શકશે.’
આ વેબ-સિરીઝ સંદર્ભે પોતાનાં વિચાર વ્યક્ત કરતા મનોજ જોશીએ કહ્યું હતું કે ‘હ્યુમર, ઇમોશન્સ અને કંઇક અલગ લોકો વેબ-સિરીઝમાં જોવા માગતા હોય છે. મારા મત મુજબ ‘ફાધર્સ વૉલ્યુમ 2’માં આ બધુ જ જોવા મળશે.’
આ વેબ-સિરીઝ એવુ જણાવતાં વિરેન્દ્ર સક્સેનાએ કહ્યું હતું કે ‘દરેકની લાઇફમાં પિતા ખૂબ અગત્યનાં હોય છે. બાળકો પોતાનાં પિતાને પ્રેરણાં તરીકે જુએ છે. જોકે એક વાસ્તવિક્તા એ પણ છે કે પિતાને પણ પોતાના બાળકોમાં પ્રેરણાં અને સાંત્વના મળી રહે છે. ‘ફાધર્સ વૉલ્યુમ 2’માં પણ પિતા અને તેમનાં બાળકોનાં રિલેશનને હ્યુમર દ્વારા રજુ કરવામાં આવશે. મને પૂરો વિશ્વાસ છે કે આ એક એવી વેબ-સિરીઝ છે કે જેને પરિવારનાં લોકો સાથે બેસીને જોઈ શકશે. આશા છે કે તમને એ ગમશે.’