17 June, 2019 11:13 AM IST | મુંબઈ
સુમન રાવ
૫૬મી ફેમિના મિસ ઇન્ડિયા ૨૦૧૯નો નિર્ણય આવી ચૂક્યો છે. રાજસ્થાનની સુમન રાવે આ ખિતાબ જીતી લીધો છે. ૨૨ વર્ષની સુમને અનુકૃત વાસ બાદ હવે આ ખિતાબ જીતી લીધો છે. સુમન ચાર્ટર્ડ અકાઉન્ટન્ટની તૈયારી કરી રહી હતી. સુમને આ ખિતાબ જીતીને પોતાનું સપનું સાચું કર્યું છે. સુમનનું કહેવું છે કે તે જિંદગીમાં એવી ચીજો કરવાની પણ હિંમત રાખે છે જેને લોકો અનિશ્ચિત માને છે.
સુમન જીવનમાં પોતાનાં માતા-પિતાથી ખૂબ જ પ્રભાવિત છે. મિસ ઇન્ડિયા ૨૦૧૯નો ખિતાબ જીતનારી સુમનનું કહેવું છે કે તેને માટે આ સૌથી મોટી ઉપલબ્ધિ છે. ઉલ્લેખનીય છે કે ૨૦૧૯માં મિસ ઇન્ડિયાનો ખિતાબ જીતનારી સુમન ૨૦૧૮માં તાજ ચૂકી ગઈ હતી. ગયા વર્ષે તે પ્રથમ રનરઅપ રહી હતી.
આ પણ વાંચો : એક સ્ટાર તરીકે પોતાને સિક્યૉર નથી માનતી: તાપસી
ફેમિના મિસ ઇન્ડિયાની જીત બાદ હવે સુમનનું આગામી ધ્યેય મિસ વર્લ્ડ ઇવેન્ટ હશે. સુમન આ રેસમાં ભારત તરફથી ભાગ લેશે. સુમન ઉપરાંત કેટલાંક બીજાં નામ આ ઇવેન્ટમાં ચર્ચામાં રહ્યાં. તેલંગણની સંજના વીજ ફર્સ્ટ રનરઅપ રહી. બિહારની શ્રેયા શંકરે મિસ ઇન્ડિયા યુનાઇટેડ કૉન્ટિનેન્ટ ૨૦૧૯નો ખિતાબ જીત્યો હતો. છત્તીસગઢની શિવાની જાધવ મિસ ગ્રૅન્ડ ઇન્ડિયા ૨૦૧૯નો ખિતાબ જીતી છે.