19 September, 2019 12:03 PM IST | નવી દિલ્હી
દીપિકા પાદુકોણ
દીપિકા પાદુકોણે મેન્ટલ હૅલ્થ પર લોકોમાં સજાગતા લાવવા ‘લેક્ચર સિરીઝ’ની શરૂઆત કરી છે. તેનું કહેવું છે કે આ બિમારી અંગે ઘણું બધુ કરવાની જરૂર છે. દીપિકાની સંસ્થા ‘ધ લિવ લવ લાફ ફાઉન્ડેશન’ દ્વારા નવી દિલ્હીમાં એક કાર્યક્રમ યોજવામાં આવ્યો હતો. આ કાર્યક્રમમાં ડૉ સિદ્ધાર્થ મુખરજીએ લેક્ચર આપ્યુ હતું. મેન્ટલ હૅલ્થ વિશે લોકોમાં સજાગતા લાવવા અંગે દીપિકાએ કહ્યું હતું કે ‘મેન્ટલ હૅલ્થ માટે કારણભુત પરિબળોની વાત છે ત્યાં સુધી આપણે એ વિશે ઘણું ખરું કરી ચૂક્યા છે. જોકે લોકોમાં સજાગતા લાવવા માટે હજુ પણ ઘણું બધુ કરવાની જરૂર છે. એના માટે આપણે ઘણી મહેનત કરવી પડશે. મને લાગે છે કે આ વિષય પર હવે લોકો મુક્તમને ચર્ચા કરે છે. મને નથી લાગતુ કે ચાર વર્ષ પહેલા મેન્ટલ હૅલ્થને લઈને લોકોની જે માન્યતા હતી એ આજે પણ છે.’
આ પણ વાંચો : દુખની વાત છે કે ભારતમાં કૉમન ભાષા શક્ય નથી : રજનીકાન્ત
દીપિકા પોતે પણ થોડા વર્ષો અગાઉ ડિપ્રેશનનો શિકાર બની હતી. આ ‘લેક્ચર સિરીઝ’ યોજવાનો ઉદ્દેશ જણાવતાં દીપિકાએ કહ્યું હતું કે ‘દુનિયામાં વસતા અલગ-અલગ પ્રોફેશનનાં લોકોને બોલાવવા અને એમાં પણ એવા લોકોને બોલાવવા જે પોતાની મેન્ટલ હૅલ્થ અને એની સાથે સંકળાયેલી જર્ની સંદર્ભે પોતાનાં અનુભવો શૅર કરવા માટે ઇચ્છુક હોય.’