16 January, 2020 02:11 PM IST | Mumbai
ડૅડી ડેવિડ ધવન સાથે વરુણ ધવન
વરુણ ધવને તાજેતરમાં જ ‘ધ કપિલ શર્મા શો’માં જણાવ્યું હતું કે તેનાં ડૅડી ડેવિડ ધવન તેને કદી પણ સ્ક્રિપ્ટ નથી દેખાડતાં. તે ‘સ્ટ્રીટ ડાન્સર 3D’નાં પ્રમોશન માટે આ શોમાં પહોંચ્યો હતો. વરુણ ધવન તેનાં ડૅડી સાથે ‘કૂલી નંબર 1’માં કામ કરી રહ્યો છે. એથી સામાન્ય બાબત છે કે વરુણને સ્ક્રિપ્ટ મળતી હશે. આ વિશે પૂછવામાં આવતાં વરુણે કહ્યું હતું કે ‘મેં તેમને સ્ક્રિપ્ટ માટે પૂછ્યુ હતું. તો મારા ડૅડીએ મને એક જ વાત કહી કે મેં આજ સુધી કદી પણ સલમાન ખાન, ગોવિંદા અને અનિલ કપૂરને સ્ક્રિપ્ટ નથી દેખાડી તો તને શું કામ દેખાડું.’
સાથે જ વરુણનું એમ પણ કહેવુ છે કે જ્યારે પર્ફોર્મન્સની વાત આવે છે તો તેનાં ડૅડી તેની સાથે સખ્તાઇથી વર્તન કરે છે. આ સંદર્ભે વરુણે કહ્યું હતું કે ‘હું હંમેશાં મારા ડૅડીને ખોટા પાડવા માટે દરેક સ્થિતિને એક ચૅલેન્જ તરીકે સ્વીકારું છું અને પોતાની જાતને સતત સારી રીતે રજૂ કરવાની કોશિશ કરું છું.’