22 December, 2019 10:49 AM IST | New Delhi
દબંગ 3
શુક્રવારે રિલીઝ થયેલી ‘દબંગ 3’એ પહેલા જ દિવસે ૨૪.૫૦ કરોડનો બિઝનેસ કર્યો છે. ફિલ્મમાં સલમાન ખાન, સોનાક્ષી સિંહા, અરબાઝ ખાન, સુદીપ કિચ્ચા અને મહેશ માંજરેકરની દીકરી સઈ માંજરેકર જોવા મળી રહી છે. ‘દબંગ’ સિરીઝની આ ત્રીજી ફિલ્મ છે.
પાછલી બન્ને ફિલ્મો ની સરખામણીએ ત્રીજી ફિલ્મે પહેલાં દિવસે વધુ બિઝનેસ કર્યો છે. સલમાનના ટ્રેક રેકૉર્ડને ધ્યાનમાં રાખીને એ સૌથી ઓછો કહેવું ખોટું નથી. જોકે તેના બિઝનેસને ફટકો પડવાનું કારણ સિટિઝનશિપના કાયદાને લઈને ચાલી રહેલો વિવાદ છે. ઘણાં રાજ્યમાં આ ફિલ્મના શો ખાલી જઈ રહ્યાં છે.
એમ છતાં આ ફિલ્મે આટલો બિઝનેસ કર્યો એ સારી વાત છે, પરંતુ ફિલ્મમાં એટલો દમ નથી. વીકએન્ડ બાદ ફિલ્મનો બિઝનેસ ઓછો થઈ જાય તો પણ નવાઈ નહીં.