‘મર્ડર ૩’ માટે ભત્રીજો વિશેષ એકદમ પરફેક્ટ : મહેશ ભટ્ટ
આ ફિલ્મ તેમના ભત્રીજા વિશેષે ડિરેક્ટ કરી છે. વિશેષ મુકેશ ભટ્ટનો દીકરો છે. મહેશ ભટ્ટ કહે છે, ‘આ ફિલ્મની સ્ટોરીલાઇન સમકાલીન હોવાથી આ ફિલ્મને ડિરેક્ટ કરવા માટે વિશેષ જ પરફેક્ટ હતો. તે ન્યુ યૉર્કથી ફિલ્મ-મેકિંગ શીખી આવ્યો છે. આખી ફિલ્મ દરમ્યાન એવું ક્યારેય નહોતું લાગ્યું કે તેની આ પહેલી ફિલ્મ છે.’
નવોદિત ડિરેક્ટર અને તેની ટીમે આ ફિલ્મને આવતા વર્ષના વૅલેન્ટાઇન્સ ડે વખતે રિલીઝ કરવાનું નક્કી કર્યું છે. રણદીપ હૂડાને હીરો તરીકે ચમકાવતી આ ફિલ્મમાં દેશમાં સેક્સને લગતા જે ગુના થઈ રહ્યા છે એની વાત છે.