જાણો, માણો અને મોજ કરો

સ્માઇલ ઍન્ડ મેક પીપલ સ્માઇલ

ચૉકલેટ ટેસ્ટિંગ વર્કશૉપ 

તમારી નાડી કેવી ચાલી રહી છે એ પારખવા માટે જાતે શીખો નાડી-પરીક્ષણ

પહેલાંના જમાનામાં વૈદ્ય માત્ર દરદીની નાડી પારખતા અને શરીરમાં ક્યાં, શું રોગ છે એ કહી આપતા. હવે આ વિજ્ઞાન ભુલાતું ચાલ્યું છે. નાડી-પરીક્ષણ એક એવી સચોટ વિદ્યા છે જે તમારી પ્રકૃતિ, શરીરના દોષોની અવસ્થા, રોગ છે કે કેમ અને છે તો એની ગંભીરતા વિશે કહી આપી શકે છે. આયુર્વેદના પૌરાણિક શાસ્ત્રો મુજબ પલ્સ ડાયગ્નોસિસ ટ્રેઇનિંગ પ્રોગ્રામમાં ભાગ લઈને તમે પણ નાડી-પરીક્ષણ શીખી શકો છો. છેલ્લાં ૨૮ વર્ષમાં ૫૦,૦૦૦થી વધુ લોકોને નાડી-પરીક્ષણ શીખવી ચૂકેલા પ્રખર આયુર્વેદાચાર્ય વૈદ્ય સંજયકુમાર છાજેડ દ્વારા પાંચ દિવસીય ટ્રેઇનિંગ વર્કશૉપ યોજાયો છે. અલબત્ત, આ વર્કશૉપમાં સેશન સિવાય પણ હોમવર્ક કરવાની તૈયારી રાખવી જરૂરી છે. 
ક્યારે? : ૧૦ મેથી ૧૫ મે
સમય : બપોરે ૩થી ૪
ભાષા : હિન્દી અને ઇંગ્લિશ
ફી :  ૧૦૦૦ રૂપિયા
રજિસ્ટ્રેશન માટે : 9819232755 / 9326672467

રેઝિન આર્ટ વર્કશૉપ 

આર્ટમાં કંઈક નવું શીખવાની ઇચ્છા હોય તો રેઝિન પોરિંગ આર્ટ એટલે કે ચોક્કસ રીતે ખાસ રંગોને રેડીને એમાંથી ચિત્રો ઊપસે એવી કળા હસ્તગત કરવાનું શીખી શકાય. આ માટે કઈ ચીજોની જરૂર પડે એની ઘણાને ખબર નથી હોતી એટલે ગૅલેક્સી દ્વારા આર્ટ માટે જરૂરી મટીરિયલ પ્રોવાઇડ કરતી વર્કશૉપનું આયોજન થયું છે. પહેલી વાર શીખનારાઓ માટે આ વર્કશૉપ બેસ્ટ છે કેમ કે રેઝિન શું હોય, એમાં ચોક્કસ ઍક્રિલિક કે રેઝિન કલર્સના પિગ્મેન્ટ્સ કઈ રીતે ઍડ કરવા ત્યાંથી લઈને કઈ રીતે આર્ટ વર્ક ડેવલપ કરવું એનું પ્રૅક્ટિકલ જ્ઞાન અહીં મળશે. 
ક્યારે? : ૮ મે, શનિવાર
સમય : સાંજે ૭થી ૯
ક્લાસ : ઝૂમ પર
કિંમત : ૨૨૦૦ રૂપિયા (ક્લાસ માટે જરૂરી મટીરિયલ અને ડિલિવરી ચાર્જિસ સમાવિષ્ટ)
એજ ગ્રુપ : ૧૩ વર્ષથી મોટી વયના 
રજિસ્ટ્રેશન : bookbyshow.com