જાણો, માણો ને મોજ કરો

શિખંડી : ધ સ્ટોરી ઑફ ઇન-બિટ્વીન

શિખંડી : ધ સ્ટોરી ઑફ ઇન-બિટ્વીન

ફૅટ્સ ધ આર્ટ્સ પ્રોડક્શન્સ દ્વારા શિખંડીની વાર્તા દાઢમાં કૉમેડી થાય એ રીતે કહેવાઈ છે. પુરુષત્વ, સ્ત્રીત્વની જેમ બન્નેની વચમાં જે છે એ તત્ત્વ વિશે પણ વાત કરે છે. શિખંડી એ માયથોલૉજીનું સૌથી જૂનું ટ્રાન્સ કૅરૅક્ટર છે. શિખંડીએ પુરુષ તરીકે જન્મ લેવાનો હતો જેથી અંબા તરીકે જન્મ લીધો ત્યારે થયેલા અપમાનનો બદલો લઈ શકે. જોકે કર્મોની રમતમાં તે સ્ત્રી તરીકે જન્મે છે અને પુરુષ તરીકે એનો ઉછેર થાય છે. લગ્નની આગલી રાતે તે કોઈ યક્ષની મદદથી સેક્સ ચેન્જ કરી લે છે અને ભીષ્મના મૃત્યુનું કારણ બને છે. આ કથાને પ્લેમાં રસપ્રદ નાટ્યસ્વરૂપે રજૂ કરવામાં આવી છે. 

ક્યારે? : ૨ અને ૩ ડિસેમ્બર
સમય: બીજી તારીખે : ૭.૩૦ અને ૩જી તારીખે : સાંજે ૫.૦૦ અને ૭.૩૦ બે શો
કિંમત : ૭૫૦થી ૮૦૦ રૂપિયા
ક્યાં? : એક્સપરિમેન્ટલ થિયેટર
રજિસ્ટ્રેશન: ncpamumbai

સ્ટુડિયો પૉટર્સ માર્કેટ

જતી રહેજે બાય મનન દેસાઈ

આર્ટ એક થેરપી 

દરેક વ્યક્તિની અંદર ધરબાયેલી લાગણીઓને અને ભાવનાઓને બહાર કાઢવાનું માધ્યમ કળા બની શકે છે. કળા દ્વારા કૅન્વસ પર ઊતરતા ભાવોને સમજીને તેમની મનોવસ્થાને સમજવાનું તેમ જ એમાં બદલાવ લાવવાનું કામ આર્ટ થેરપિસ્ટ્સ કરે છે. તમારા દ્વારા થયેલું ક્રીએશન તમારી અંદર ચાલી રહેલા દ્વંદ્વને સમજવામાં પણ હેલ્પ કરે છે. માનસિક સ્વાસ્થ્ય માટે આ થેરપી ખૂબ કારગત છે ત્યારે જાતે જ ફ્રી એક્સપરિમેન્ટ કરવા જેવો ખરો.

ક્યારે? : ૨ ડિસેમ્બર
સમય : સાંજે ૫થી ૭
ક્યાં? : ઑનલાઇન ઝૂમ પર
રજિસ્ટ્રેશન: memeraki

મ્યુઝિકલ કૉન્સર્ટ વિથ ફરહાન અખ્તર

બૉલીવુડ ઍક્ટર, સિંગર,  ડિરેક્ટર ફરહાન અખ્તરે જાતે લખેલાં ગીતોની મ્યુઝિકલ  કૉન્સર્ટ થઈ રહી છે. કિશોરકુમારથી લઈને સંગીતકાર રવિશંકર અને ધ બીટલ્સ, પિન્ક ફ્લૉઇડ જેવાં 
વેસ્ટર્ન રૉક ઍન્ડ પૉપ બૅન્ડ્સને આવરી લે એવાં વૈવિધ્યસભર ગીતો અહીં રજૂ થશે. 

ક્યારે? : ૨ ડિસેમ્બર
સમય : સાંજે ૬.૩૦ 
વાગ્યાથી
ક્યાં? : ફિનિક્સ પૅલેડિયમ
કિંમત : ૯૯૯ રૂપિયા
રજિસ્ટ્રેશન : bookmyshow