10 July, 2020 07:51 PM IST | Mumbai | Gujarati Mid-Day Online Correspondent
63 વર્ષીય મુકેશ અંબાણી વિશ્વની ચોથી સૌથી ધનિક વ્યક્તિ છે
રિલાયન્સ ઇન્ડસ્ટ્રીઝ લિમિટેડના ચેરમેન મુકેશ અંબાણીની નેટવર્થ હવે વોરેન બફેટ કરતા વધારે છે. બ્લૂમબર્ગ બિલિનર્સ ઈન્ડેક્સ અનુસાર, અંબાણીની સંપત્તિ હવે 68.3 અબજ યુએસ ડૉલર્સ છે જે વૉરેન બફેટની 67.9 અબજ અમેરિકી ડૉલર કરતાં વધુ છે. બ્લૂમબર્ગના જણાવ્યા અનુસાર, માર્ચ મહિનામાં અંબાણીના જૂથના શેર્સની કિંમત પડી પણ હવે તેના ભાવ બમણા થઈ ગયા છે કારણ કે તેમની ડિજિટલ એન્ટિટીએ ફેસબુક ઇન્ક અને સિલ્વર લેક સહિત અનેક અલગ અલગ કંપનીઓ પાસેથી 15 અબજ ડોલરથી વધુનું રોકાણ મેળવ્યું છે. જુઓ કોણે કોણે રોકાણ કર્યું છે જિઓમાં. કુલ બાર મોટી કંપનીઓએ રિલાયન્સ જિઓમાં રોકાણ કર્યું છે.
આ અઠવાડિયે બીપી પીએલસીએ રિલાયન્સના ફ્યુઅલ રિટેલ બિઝનેસમાં ભાગેદારી ખરીદવા માટે 1 અબજ ડોલર ચૂકવ્યા હતા. આમ અંબાણી ગયા મહિને વિશ્વના 10 ધનિક લોકોની યાદીમાં સ્થાન મેળવનાર એકમાત્ર એશિયન ઉદ્યોગપતિ બન્યા છે. આ અઠવાડિયે બફેટની સંપત્તિમાં ઘટાડો થયો છે કારણ કે તેણે ચેરિટી માટે 9 2.9 બિલિયન દાન આપ્યું છે.89 વર્ષીય વૉરન બફેટને ઓરેકલ ઑફ ઓમાહા કહેવામાં આવે છે. 2006 થી, તેમણે બર્કશાયર હેથવે ઇંકના શેરમાં 37 અબજ ડોલરથી વધુનું દાન આપ્યું છે, જેના પગલે તેનું રેન્કિંગ ઘટ્યું છે. બર્કશાયર હેથવેના સ્ટોકે તાજેતરમાં અપેક્ષિત મુજબનું પ્રદર્શન કર્યું નથી.
બ્લૂમબર્ગ બિલિનર્સ ઈન્ડેક્સ અનુસાર, 63 વર્ષીય મુકેશ અંબાણી વિશ્વની ચોથી સૌથી ધનિક વ્યક્તિ છે અને બફેટ આ મામલામાં નવમા ક્રમે છે. આ ઇન્ડેક્સ વર્ષ 2012 માં શરૂ કરાયું. અંબાણીની ડીલ્સને પગલે ભારત M&Aને મામેલ હૉટસ્પોટ સાબિત થયુ છે અને એશિયા પૅસિફિકમાં જાહેર કરાયેલા આ સોદામાં તેનો હિસ્સો 12 ટકાથી વધુ છે. 1998 પછી આ સૌથી વધુ ગુણોત્તર છે.