11 February, 2019 10:04 AM IST |
શૅરબજારમાં જંગી ઘટાડો
સોમવારના કારોબારી સત્રમાં ભારતીય શૅરબજારે કમજોર શરૂઆત કરી છે. સવારે 9 વાગ્યે સેન્સેક્સ 158 અંકોના ઘટાડા સાથે 36,388 પર અને નિફ્ટી 36 અંકોના ઘટાડા સાથે 10,906 પર કારોબાર કરી રહ્યા છે. નિફ્ટી 50 શેર્સમાંથી 13 લીલા, 36 લાલ અને 1 પરિવર્તન વગર કારોબાર કરી રહ્યા છે. જ્યાં ઈન્ડેક્સની વાત કરીએ તો નિફ્ટીના મિડકેપ 0.56%નો ઘટાડો અને સ્મૉલકેપ 0.48%ના ઘટાડા સાથે કારોબાર કરી રહ્યા છે. શુક્રવારે સેન્સેક્સ 424.61 અંક તૂટીને 36,546.48 પર અને નિફ્ટી 125.80 અંકોના ઘટાડા સાથે 11000ની નીચે 10,943.60 પર બંધ થયો હતો.
સેક્ટોરિયલ ઈન્ડેક્સનો હાલ જોઈએ તો સવારે સાડા નવ વાગ્યે નિફ્ટી ઑટો 1.24%નો ઘટાડો, નિફ્ટી ફાઈનાન્સ સર્વિસ 0.30%નો ઘટાડો, નિફ્ટી એફએમસીજી 1.02%નો ઘટાડો, નિફ્ટી આઈટી 0.63%ની તેજી, નિફ્ટી મેટલ 0.43%નો ઘટાડો, નિફ્ટી ફાર્મા 0.64%નો ઘટાડો અને નિફ્ટી રિયલ્ટી 0.20%ના ઘટાડા સાથે કારોબાર કરી રહ્યા છે.