21 February, 2019 06:07 PM IST | નવી દિલ્હી
નોકરીયાત વર્ગ માટે મોદી સરકારએ આપી ખુશખબર
કર્મચારી ભવિષ્ય નિધિ સંગઠન(EPFO)એ કર્મચારી પ્રોવિડેન્ડ ફન્ડ પર મળનારા વ્યાજ દર 8.55 ટકાથી વધારીને 8.65 ટકા કરી દીધો છે. મોદી સરકારના આ નિર્ણયથી સાડા પાંચ કરોડથી વધારે કર્મચારીઓને ફાયદો થશે.
2015-16 બાદ આ પહેલીવાર છે, જ્યારે વ્યાજદરોમાં વધારો કરવામાં આવ્યો છે.
વ્યાજદરોમાં આ વધારો નાણાંકીય વર્ષ 2018-19થી લાગૂ પડેશ. શ્રમ મંત્રીની અધ્યક્ષતા વાળું બોર્ડ આ મામલે આખરી નિર્ણય લે છે.
બોર્ડની મંજૂરીના પ્રસ્તાવને નાણા મંત્રાલયની મંજૂરીની જરૂર પડશે. નાણા મંત્રાલયની મંજૂરી બાદ જ વ્યાજ દર અંશધારકોના ખાતામાં નાખવામાં આવશે.
ઈપીએએફઓએ 2017-18માં પોતાના અંશધારકોને 8.55 ટકા વ્યાજ આપ્યું હતું. જ્યારે વર્ષ 2016-17માં 8.65 ટકા અને 2015-16માં 8.8 ટકા વ્યાજ આપવામાં આવ્યું હતું. જ્યારે વર્ષ 2013-14 અને 2014-15માં વ્યાજ દર 8.75 ટકા હતો.