સીડીએસએલ સાત કરોડ ડીમૅટ ખાતાં ધરાવનારી દેશની સૌપ્રથમ ડિપોઝિટરી બની

સીડીએસએલે સાત કરોડ ખાતાં ધરાવવાની સિદ્ધિ હાંસલ કરી છે, એ માત્ર અમારા માટે જ નહીં, પરંતુ દેશની સંપૂર્ણ સિક્યૉરિટીઝ બજારના માહોલ માટે પ્રોત્સાહક છે

પ્રતીકાત્મક તસવીર સૌજન્ય આઇસ્ટૉક

દેશની સૌપ્રથમ અને લિસ્ટેડ ડિપોઝિટરી સેન્ટ્રલ ડિપોઝિટરી સર્વિસિસ (ઇન્ડિયા) લિમિટેડ (સીડીએસએલ)એ આજે જાહેર કર્યું હતું કે એ સાત કરોડથી અધિક સક્રિય ડીમૅટ ખાતાં ધરાવતી ડિપોઝિટરી બની છે. સક્રિય ડીમૅટ ખાતાંની સંખ્યાની દૃષ્ટિએ સીડીએસએલ દેશની સૌથી મોટી ડિપોઝિટરી છે.

આ સિદ્ધિ વિશે સીડીએસએલના મૅનેજિંગ ડિરેક્ટર અને સીઈઓ નેહલ વોરાએ કહ્યું કે  ‘વિભિન્ન રાજ્યો અને કેન્દ્રશાસિત પ્રદેશો ભારતના વિકાસમાં ફાળો આપી રહ્યાં છે, એનો અમને આનંદ છે. એ ઉપરાંત મોટા ભાગના રોકાણકારોએ તેમની સંપત્તિસર્જનની યાત્રાના માધ્યમ તરીકે સીડીએસએલને પસંદ કરી છે એ અમારા માટે ગર્વની બાબત છે. સીડીએસએલે સાત કરોડ ખાતાં ધરાવવાની સિદ્ધિ હાંસલ કરી છે, એ માત્ર અમારા માટે જ નહીં, પરંતુ દેશની સંપૂર્ણ સિક્યૉરિટીઝ બજારના માહોલ માટે પ્રોત્સાહક છે. રોકાણકારોએ અમને આપેલા ટેકા બદલ અમે આભારી છીએ, કારણ કે તેમના અને બજારની માળખાકીય સંસ્થાઓ, માર્કેટ ઇન્ટરમિડિયરીઝ અને સીડીએસએલના કર્મચારીઓના સહકારથી આ સિદ્ધિ પ્રાપ્ત કરી શકાઈ છે. અમે ડીમૅટ અકાઉન્ટના વપરાશને અવરોધરહિત અને અધિક સુવિધાપૂર્ણ બનાવવા પ્રતિબદ્ધ છીએ. અમારું લક્ષ્ય અમારા ડિજિટલ માળખા મારફત રોકાણકારોને આત્મનિર્ભર બનાવવાનું છે.’