ઑસ્ટ્રેલિયન ઓપનમાં નહીં રમે એન્ડી મરે

ઑસ્ટ્રેલિયન ઓપનમાં નહીં રમે એન્ડી મરે

એન્ડી મરે

(આઇ.એ.એન.એસ.) આવતા મહિનાથી શરૂ થઈ રહેલી ઑસ્ટ્રેલિયન ઓપનમાં એન્ડી મરે રમતો જોવા નહીં મળે. મરેને પેલ્વિક ઇન્જરી થઈ હોવાથી તે આ ટુર્નામેન્ટમાં ભાગ નથી લઈ રહ્યો. ફેબ્રુઆરી સુધી તે આઉટ-ઑફ-ઍક્શન છે. આ વિશે વાત કરતાં મરેએ કહ્યું હતું કે ‘દુઃખની વાત છે કે મારે આ પરિસ્થિતિનો સામનો કરવો પડી રહ્યો છે. આ ગેમમાં હું પોતાનો શ્રેષ્ઠ પર્ફોર્મન્સ આપું એ માટે મેં ખૂબ મહેનત કરી હતી, પરંતુ હવે હું એમાં ભાગ પણ નથી લઈ શકતો. આ વર્ષની શરૂઆતમાં ઑસ્ટ્રેલિયન ઓપન બાદ હું શ્યૉર નહોતો કે ફરી રમી શકીશ કે નહીં. ઑસ્ટ્રેલિયામાં ફરી આવું ઉત્તમ પ્રદર્શન કરવા માટે હું ઉત્સાહી હતો, પરંતુ ન રમી રહ્યો હોવાથી વધુ દુઃખ થઈ રહ્યું છે.’