ઈજાને લીધે સેરેનાએ ફ્રેન્ચ ઓપન છોડી દીધી

ઈજાને લીધે સેરેનાએ ફ્રેન્ચ ઓપન છોડી દીધી

સેરેનાએ ઇન્જરીને લીધે ફ્રેન્ચ ઓપન છોડી દીધી

અમેરિકન ટેનિસ સ્ટાર અને ભૂતપૂર્વ નંબર વન મહિલા ખેલાડી સેરેનાએ ઇન્જરીને લીધે ફ્રેન્ચ ઓપન છોડી દીધી હતી. સોમવારે પહેલા રાઉન્ડમાં સેરેના પગની ઇન્જરી છતાં રમી હતી અને જીત મેળવીને બીજા રાઉન્ડમાં પ્રવેશ કર્યો હતો. બુધવારે બીજા રાઉન્ડની મૅચ પહેલાં વૉમ-અપ મૅચ બાદ સેરેનાને લાગ્યું કે તે નહીં રમી શકે અને તેણે ટુર્નામેન્ટમાંથી ખસી જવાનો નિર્ણય લીધો હતો. સેરેનાએ કહ્યું હતું કે તેને ચાલવામાં તકલીફ થઈ રહી છે અને ચારથી છ અઠવાડિયાંના આરામની જરૂર છે.
સેરેના સૌથી વધુ ૨૪ ગ્રૅન્ડ સ્લૅમ જીતનાર માર્ગેરેટ કોર્ટના રેકૉર્ડથી એક જ કદમ દૂર છે, પણ છેલ્લા ઘણા સમયથી પ્રયત્ન કરવા છતા એ તેને હાથતાળી આપી રહ્યો છે. હવે સેરેનાએ એ માટે જાન્યુઆરીમાં રમાનારા ઑસ્ટ્રેલિયન ઓપન સુધી રાહ જોવી પડશે.

યુએસ ઓપન રનર-અપ બીજા રાઉન્ડમાં બહાર

ઑસ્ટ્રેલિયન ઓપનમાં રનર-અપ રહેનાર વિક્ટોરિયા અઝરેન્કા ગઈ કાલે ફ્રેન્ચ ઓપનમાં બીજા રાઉન્ડમાં હારીને બહાર થઈ ગઈ હતી. અઝરેન્કા બીજા રાઉન્ડમાં સ્લોવાકિયાની ઍના કૅરોલિના સ્ક્મિડ્લોવા સામે સીધા સેટમાં ૨-૬, ૨-૬થી હારી ગઈ હતી.