લંડન મૅરથૉનમાં ટૉપ ટૂ પ્લેયર્સે રેકૉર્ડ બે કલાકની અંદર દોડ પૂરી કરી

આ મૅરથૉનમાં બીજા ક્રમે રહેલા ઇથિયોપિયાના યોમિફ કેજેલ્ચાએ ૧ કલાક ૫૯ મિનિટ ૪૧ સેકન્ડમાં દોડ પૂરી કરી હતી. 

યોમિફ કેજેલ્ચા અને સૅબાસ્ટિયન સાવે

લંડનમાં ગઈ કાલે બે દોડવીરોએ પહેલી વખત બે કલાકની અંદર મૅરથૉન પૂરી કરીને ઇતિહાસ રચ્યો હતો. અગાઉ ૨૦૨૩માં શિકાગોમાં જેકબ કિપ્લિમોએ ૨:૦૦:૨૮ સૌથી ઓછા સમયમાં ૪૨ કિલોમીટરની મૅરથૉન પૂરી કરી હતી. હાલમાં કેન્યાના સૅબાસ્ટિયન સાવેએ ઑફિશ્યલ મૅરથૉનમાં બે કલાકની અંદર દોડ પૂરી કરનાર પ્રથમ દોડવીર તરીકે પોતાનું નામ નોંધાવ્યું છે. તેણે ૧ કલાક ૫૯ મિનિટ ૩૦ સેકન્ડમાં લંડન મૅરથૉન જીતીને પુરુષોનો વિશ્વરેકૉર્ડ ૬૫ સેકન્ડથી તોડ્યો હતો. આ મૅરથૉનમાં બીજા ક્રમે રહેલા ઇથિયોપિયાના યોમિફ કેજેલ્ચાએ ૧ કલાક ૫૯ મિનિટ ૪૧ સેકન્ડમાં દોડ પૂરી કરી હતી.