27 September, 2019 05:55 PM IST | મુંબઈ
સાનિયા મિર્ઝા
દેશની ટેનિસ પ્લેયર સાનિયા મિર્ઝા જ્યાં એક તરફ ટેનિસ કોર્ટમાં યુવાનો માટે પ્રેરણાં છે, તો હવે ફિટનેસના જગતમાં પણ તેણે અનેકોને ઉંઘમાંથી ઉઠાડવાનું કામ કર્યું છે. પ્રેગ્નેન્સી દરમિયાન મહિલાઓનું વજન વધવું સામાન્ય બાબત છે. પણ નવી નવી માતા બનેલી સાનિયાએ સખત મહેનત અને અનુશાસનને કારણે પોતાની કાયાપલટ કરી લીધી છે. સાનિયાએ મંગળવારે ઇન્સ્ટાગ્રામ પર ખુલાસો કર્યો છે. સાનિયાએ છેલ્લા 4 મહિનામાં 26 કિલો વજન ઘટાડ્યું છે.
વધ્યું હતું 23 કિલો વજન
સાનિયાએ ઇન્સ્ટા પર વીડિયો શૅર કરતાં જણાવ્યું કે તેનું વજન પ્રેગ્નેન્સી દરમિયાન 23 કિલો વધી ગયું હતું. સાનિયાએ જે વીડિયો શૅર કર્યો છે, તેમાં તે જિમમાં એક્સરસાઇઝ કરતી જોવા મળે છે. ગયા વર્ષે ઑક્ટોબર મહિનામાં સાનિયા મિર્ઝા અને શોએબ મલિક માતાપિતા બન્યા છે. સાનિયાએ દીકરાને જન્મ આપ્યો છે.
ઘણીવાર સાનિયાને મહિલાઓ પૂછે છે સાનિયાને પ્રશ્નો
સાનિયા મિર્ઝા લખે છે કે, "મને ઘણીવાર મારા વજન ઘટાડવાની યાત્રા વિશે પ્રશ્નો પૂછવામાં આવે છે. આ પહેલા કે હું કંઇ કહું, હું નાનકડો એક વીડિયો શૅર કરવા માગીશ જે દર્શાવે છે કે મેં મારું વજન કેવી રીતે ઘટાડ્યું છે." સાનિયાએ જણાવ્યું કે તેને ઘણીવાર નવી બનેલી માતાઓના મેસેજિસ આવતાં હોય છે. મહિલાઓ ઘણીવાર તેમને પૂછ્યાં કરતી હોય છે કે બાળકને જન્મ આપ્યા પછી સામાન્ય કાયા કેવી રીતે મેળવી શકાય છે.
દરરોજ પોતાને આપો 1 થી 2 કલાક
સાનિયા લખે છે કે, "હું કહેવા માગું છું કે જો હું કરી શકું છું તો કોઇપણ કરી શકે છે. મારા પર ભરોસો કરો, દરરોજ પોતાને એકથી બે કલાક આપો. આ ફક્ત તમને શારીરિક રૂપે આશ્ચર્યચકિત કી દેશે, પણ માનસિકરીતે પણ તમને ખુશી આપશે. યાદ રાખો- #Mummahustles"