22 January, 2022 09:56 PM IST | Mumbai | Gujarati Mid-day Correspondent
સિંધુ સેમી ફાઇનલમાંઃ પ્રણોય ક્વૉર્ટરમાં હાર્યો, મિથુન જીત્યો
લખનઉમાં સૈયદ મોદી ઇન્ટરનૅશનલ બૅડ્મિન્ટન સ્પર્ધામાં ગઈ કાલે ઑલિમ્પિક મેડલિસ્ટ પી. વી. સિંધુ સેમી ફાઇનલમાં પહોંચી ગઈ હતી. ટૉપ-સીડેડ સિંધુએ ક્વૉર્ટર ફાઇનલમાં થાઇલૅન્ડની સુપનીદા કેટથિન્ગને ૧૧-૨૧, ૨૧-૧૨, ૨૧-૧૭થી હરાવી હતી. આ મૅચ એક કલાક અને પાંચ મિનિટ ચાલી હતી. હવે સેમીમાં સિંધુનો મુકાબલો રશિયાની એવગેનિયા કોસેત્સ્કાયા સામે થશે.
પુરુષોમાં ભારતનો એચ. એસ. પ્રણોય ક્વૉર્ટર ફાઇનલમાં ફ્રાન્સના આર્નોડ મર્કલ સામે ૧૯-૨૧, ૧૬-૨૧થી હારી ગયો હતો. જોકે ભારતના જ મિથુન મંજુનાથે રશિયાના સેર્ગી સિરાન્ટને ૧૧-૨૧, ૨૧-૧૨, ૨૧-૧૮થી હરાવીને સેમી ફાઇનલમાં પ્રવેશ મેળવ્યો હતો.