હૉકીમાં ભારત પછી મલેશિયા, સાઉથ કોરિયા અને જપાનની પણ સેમી-ફાઇનલમાં એન્ટ્રી

આજે ભારતીય ટીમ સાંજે સાત વાગ્યે સાઉથ કોરિયા સામે ટકરાશે.

ભારતીય મેન્સ હૉકી ટીમ

પંજાબમાં આયોજિત મેન્સ હૉકી એશિયન ચૅમ્પિયન્સ ટ્રોફી 2026માં ભારત પછી મલેશિયા, જપાન અને સાઉથ કોરિયાએ પણ સેમી-ફાઇનલમાં એન્ટ્રી કરી છે. ૬ ટીમોમાંથી ચીન અને બંગલાદેશ એક પણ જીત વગર તળિયે રહ્યાં છે. આજે અંતિમ લીગ-સ્ટેજ મૅચ પછી સેમી-ફાઇનલના હરીફો નક્કી થશે. ગઈ કાલે મલેશિયા સામે ભારતે ૪-૨થી જીત નોંધાવીને જીતનો ચોગ્ગો ફટકાર્યો હતો. ભારતીય કૅપ્ટન હરમનપ્રીત સિંહે ત્રણ ગોલ અને સુખજિત સિંહે ૧ ગોલ કર્યો હતો. આજે ભારતીય ટીમ સાંજે સાત વાગ્યે સાઉથ કોરિયા સામે ટકરાશે.